الحلقة الثالثة عشر والاخيرة
الظابط التاني: يعني دلوقتي كشف الطب الشرعي هو اللي هيحدد!! اذا توافقت
بصماته الللي خدتها
من على الكوباية بالبصمات اللي على السكينة؟ بس اكيد هو مسح البصمات
الموجودة على السكينة؟
الظابط الاولاني:بالظبط بس ممسحش البصمات اللي لاقوها على لبس سعدية والدم
كمان اللي لاقوه
على لبسها واللي مكنش دمها!!
الظابط التاني:بس انت مقلتش؟
الظابط الاولاني:دي كانت خطة عشان اخلي القاتل يفتكر انه قدر يمسح كل
البصمات وانه قدر يفلت
منها ويتحرك براحته..
وبعد دقايق دخل تقرير الطب الشرعي وخده الظابط وقراه وابتسم ابتسامة نصر
وقال:
ايووووة كده بقى!! زي ما توقعت .. البصمات طلعت بصمات سعيد
الظابط التاني:هتعمل ايه؟
الظابط الاولاني:اكيد هفرج عن اية وهطلب القبض على سعيد..
*********************************************************************************************
عنود تروح قسم البوليس وتدلي باقوالها
عنود:انا جاية اليوم عشان أقول حأجة جديدة
الظابط:اتفضلي؟
عنود: في يوم سمعت سعدية وهأي بتتكلم مع نادين بتئولها انها مش هتئدر تأكلم
سامر وتصالحهم على
بعض عشان سعيد ممكن يزعل..بس نادين أصرت عليها وقألتلها متخافيش مش هقول
لحد.. انا وقتها
كأنت بعرف سامر ده وكأنت على علائة معاه وسعدية عرفت بده وكنت خأيفة جدا
تئول لنادين..
بس انا مكنتش اعرف سامر وبخون نادين زي ما سعدية ئالتلي انا كأنت عاوزة
اثبت ليها ان
الرجالة كلهم وحشين..
الظابط باهتمام:وبعدين؟
عنود:كنت وأقفة ورا الباب ولسه برجع ادخل بالصدفة ببص على اوضة داليا
لئيتها وائفة هي كمان
بتسمع.. روحت لها وسمعت ان ان ان داليا على علائة بأحد ..
الظابط باستغراب:ازاي؟؟ يعني؟؟
عنود:يعني تعرف ولد!
الظابط:وفيها ايه لما تعرف ولد؟!مش فاهم ؟؟
عنود:داليا بنت مالها في هالحكايات واهي سعدية عرفت بمشكلتها وعشان كده
سعدية مأكنتش
بتتكلم مع سعدية في اخر فترة كويس بس احنا مكناش نعرف ليه!! بس انا لما
عرفت ان داليا
بقى تعرف ولد فهمت ليه سعدية كأنت زعلانة منها!!
الظابط:وبعدين؟
عنود:انا قلت لسامر ان دي فرصة لينا ان نمسك سعدية من ايدها اللي بتوجعها
ونهددها انها
لو اتأكلمت علينا هنئول لسعيد..
الظابط:ها؟
عنود:ورحت اهدد داليا كمان انها لو مشتركتش معانا هأقول عنها كمان..
الظابط:بعدين؟
عنود:وفعلا سامر ئابل سعدية وبئى اول مئابلة يتكلم معاها بكل ادب عأشان
يخليها تيجي تئابله
تاني وفي اللحظة دي انا اصوره وادي الصور لداليا وداليا تديها للولد بتاعها
دي وهو يتصرف
ويأقول لسعيد بطرئة تخليه يطلب انه سعدية ترجع الصعيد..
الظابط:وبعدين؟
عنود:وفعلا بأعد المقابلتين سامر كلم سعدية وحش عشان متأبلوش تاني وهنا
هددته سعدية انه
هتأول لنادين وهو هددها انه هيئتلها بس كأن بيقول كده عشان تخاف بس هي قالت
لنادين
ومخافتش وانا في الاول شكيت فيه بس افتكرت انه كأن معايا ليلة الحادثة!
الظابط:يااااه عشان تبعدوها عنكم تقوموا تولعوا ما بين اتنين كانوا بيحبوا
بعض!!
عنود بعياط:انا مذنبة وعأرفة ده وبتعألج عند المستشفى .. انا كل اللي كنت
بأعوزه انها
ترجع الصعيد ومتأولش لنادين!
الظابط:اهي مشيت خالص.. اتفضلي وقعي على اقوالك واحتمال نحتاجك بعدين..
تخرج عنود من عند الظابط تلاقي داليا واقفة..
عنود:داليا؟ شتسوين اهني؟
بمعنى:داليا؟بتعملي ايه هنا؟
داليا:جاية اقول زي ما قلتي يا عنود..مبقاش فيه حاجة ينفع تستخبى!
عنود:واهلج؟! اذا دروا عن الصبي مالج؟
بمعنى:واهلك لو عرفوا عن الولد بتاعك؟
داليا:هههههههه اهلي!! انا ههرب لان مبقاش ينفع استنى!
عنود:لييش تهربين؟! كل هاي عشان تعرفين صبي!!!
بمعنى:ليه تهربي؟! كل ده عشان تعرفي ولد!!!
داليا:مهو معرفتي بيه مش عادية يا عنود.. مش عادية!!
عنود باستغراب:شنوووو؟؟؟
بمعنى:ايه؟؟؟
داليا:تفتكري سعدية مكنتش بتكلمني لمجرد اني عرفت وووولد عادي كده!!
عنود:عيل عشان شنو؟
بمعنى:امال عشان ايه؟
داليا بمرارة:سعدية شافتني مع جوزي في اوضة النوم!
عنود بصدمة:شنووووووووو!!
بمعنى:ايه!!!
داليا:امال انا سمعت تهديدك مرغمة ليه؟! مش عشان انا اعرف حمزة عادي! لا
عشان لو حد عرف
عن حمزة هيعرف بكل سهوووولة انه جوزي اللي متجوزاه عرفي!!
عنود:مب جااااادرة اصدج!! انتي يا دالياااااا!!!!!!!
بمعنى:مش قادرة اصدق!! انتي يا داليا!!!!!!
داليا:ايوة انا..
تمشي داليا وتدخل المكتب عند الظابط وتحكيله ازاي اتعرفت على حمزة وازاي
قدر يوهمها انه
يتجوزها في السر عشان يعرفوا يخرجوا مع بعض وبعدين ضحك عليها وغواها وازاي
سعدية
عرفت بالعلاقة ما بينهم وانهم اتخانقوا كتير اوي عشان الموضوع ده ولما جت
عنود وهددتها
خافت اكتر وبالتالي اشتركت في الحوار معاهم وفعلا حمزة راح اتصل بسعيد
وفهمه ان فيه حد مع
سعدية بيحاول يلين قلبها وعايز يتجوزها ولو مجاش حضر وخد سعدية على الصعيد
ممكن الشخص
التاني ده يقدر يقنع سعديه بيه وساعتها سعدية هتضيع منه..
*********************************************************************************************
في شقة 22 مكنش موجود غير اهل نادين واللي كانوا بيلموا حاجاتهم بعد ما
نادين قالت على كل حاجة
واية كانت في اوضتها بعد ما رجعت من القسم وتم براءتها واهل داليا قاعدين
في اوضة داليا
بيدوروا على اي حاجة تعرفهم داليا راحت فين..
اية بتروح لنادين في الاوضة..
اية بحزن:هتسافروا خلاص؟
نادين:ايوة ‘ راح اشتئلك كتييير يا اية
اية:وانا كمان يا نادين‘ هتوحشيني اوووي..
الام:بنتشكرك كتير يا بنتي ع استضافتك لنادين وابقي تعي زورينا بلبنان..
اية:ان شااء الله يا طنط
نادين:انا ما بدي تكوني زعلانة مني يا اية في شي ‘ بعتذر كتير اذا حطيتك في
مشكلة من غير ما اكون
بقصد.. اذا شفتي داليا سلمي عليها وسلمي على عنود وقوليلها اني بتشكرها
كتير انها عرفتني ان سامر
ما طلع زلمة معي وانه لولاها كنت بضل لحد هلاء عم فكر انه بيحبني وهو انسان
خاين! قوليلها اني
بس زعلت انها اثبتتلي بطريقة غلط وانه بسبب هيك سعدية راحت منا..
اية بعياط:الله يرحمها..وحشتني كتيييير
نادين:انا كمان اشتئت الها كتييير ‘ ياريت كانت بينا هلاء كنت بعتذر عن
غبائي معها.. تفتكري
يا اية هي مسامحتني؟؟
اية:سعدية كانت عذراكي وكانت بتقول عليكي مجنونة بحبك لسامر وكانت بتقول
انك تستاهلي احسن
منه بكتير بس مش بالطريقة دي..
نادين:هي عندها حق.. اهتمي لحالك كتييير وراسليني وتعي زوريني ع لبنان يا
اية وما تنسيني ابدا..
تحضن اية نادين ويعيطوا هما الاتنين..
تاخد نادين وتنزل لاهلها اللي وقفوا تاكسي عشان يروحوا المطار ويجي سامر..
نادين:شو يا سامر؟!
سامر بحزن:نادين انا بعتذر منك بجد وليكي حق تقولي عليا مش راجل! بس انا مش
عارف عملت
كده ليه!!
نادين:انا راح اقلك ليه عملت هيك لانك يا سامر ما حبيتني! انا اللي حبيتك
واخلصت ليك! انا كنت
راح اجن بحبي الك وانت كنت بتفكر كيف تتركني.. لا تئول شي تاني يا سامر ..
روح لحالك وانا
راح ارجع ع لبنان وراح ائابل زلمة يئدر ئلبي اللي انت ما ئدرته ..
سامر:نادين استني.. اسمعيني بس
نادين:ما ضل شي لاسمعه يا سامر.. راح اكفي طريقي وانت كمان شوف حالك يا ابن
الحلال!!
مشيت نادين وركبت مع مامتها وباباها العربية وطلعت على المطار عشان ترجع
لبنان..
*********************************************************************************************
في القسم جايبين سعيد بعد ما قبضوا عليه في بيته في الصعيد وكان مربي دقنه
والدموع مالية عينه
وماسك في ايده دفتر وطول الوقت كان عمال يعيط..
الظابط:ايه يا سعيد ‘ دوختنا ياراجل معاك!
سعيد:....
الظابط:اظن يا سعيد انت عارف انت هنا ليه؟ فياريت تختصر الطريق وتقلنا ازاي
قتلت سعدية
سعيد بيرجع بذاكرته لورا..
سعيد كان قاعد في بيته وفجأة يجيله تلفون من رقم غريب..
سعيد:الوو؟
الرقم الغريب:سعيد؟
سعيد باستغراب:ايوة مين معايا؟
الرقم الغريب:انا واحد خايف عليك .. سعدية مراتك ممكن تضيع منك لو مجتش
وخدتها من هنا
سعيد بعصبية:انت بتجووول اييييه!! مين معاياااا؟!
الرقم الغريب:فيه واحد بيلف حوالين سعدية ولو مش مصدقني انا ممكن ابعتلك
الصور بس هي الحق
يعني بتحبك انت ‘ بس لو فضلت في القاهرة ممكن يلف عقلها وتلاقيها طارت
منك..
سعيد بعصبية:لو راااااجل جوووول مين انت وبتجووووول الكلام ده ازاي!!
الراجل الغريب:الصور هبعتهالك عشان تصدق.. اكتر من كده مش هقول..انت حر
بعد ما السكة تتقطع يفضل سعيد يصرخ في التلفون:الوووووو الوووو الوووووو يا
جبااااااان
انطججججججججج!!
والله العظيم يا سعدية لو الكلام ده صُح تبجى اخرتك جت!! اكيد البت اية
جدرت تبلف مخها
وبوظت حياتك يابنت عمي..انا من بكرة هنزل مصر!!
يروح سعيد تاني يوم مصر ويفضل يراقب سعدية ويلاقيها بتقابل سامر وبتتكلم
معاه فيفتكر
ان هو ده اللي عايز ياخد سعدية منه ولسه كان هيروح ليهم يرجع تاني في كلامه
ويقرر انه
يروح ليها في الشقة.. ويفضل سعيد يراقب سعدية ويراقب شقة 22 كذا يوم ويشوف
كل واحد
بيطلع امتى وبيدخل امتى وبيلاقي ان كل يوم سعدية بتبقى في الشقة لوحدها
لمدة نص ساعة
عقبال ما اية بترجع من النادي بليل وبعدها داليا وبعدها نادين.. وبيقرر
وقتها انه في النص ساعة
دي يروح ليها في الشقة عشان تبقى لوحدها..
وفي يوم بيلاقي سامر بيطلع البيت بيفتكر انه طالع لسعدية لانه ميعرفش ان
سامر مرتبط بنادين
وانه كان بيطلع لنادين مش لسعدية..
مشي سعيد وقرر انه يجي اليوم اللي بعده وينتقم من سعدية لانه افتكر انها
بتقابل سامر في الشقة
وهي لوحدها وانها بتخون سعيد..
تاني يوم استنى سعيد الكل ينزل وراح خبط الباب..
سعدية باستغراب:ايه دي!! مين جه دلوجت!! مش عوايدهم!! وبعدين كل واحدة
عندها مفتاحها!!
تفتح سعدية الباب وتلاقي سعيد فتفرح اوي وفي نفس الوقت تتخض:وااااه!!
سعيييد!! اي اللي جابك
دلوووجت!!
سعيد:ايه مالك خفتي ليه؟!
سعدية:اصل غريبة تيجي هنا؟! حد جراله حاجة!!
سعيد:لا اللي جراله هو انتي يا بنت عمي!!
سعدية بعدم فهم:مش واعية على كلامك يا سعيد؟ في ايه؟؟
سعيد:مين الراجل اللي بتجابليه ده يا سعدية!! هااااااااااااااااا
انطجييييييييي
وخرج وقتها سعيد السكينة ‘ هنا خافت سعدية اوووي وفضلت تقله:اهدي يا سعيييد
انا هجلك
د هده سامر
سعيد بعصبية:ميييييييين ده!!!!
سعدية بخووووف شديد:ده الواد اللي بتحبه نادين اللي حكتلك عليها وجلتلك
انها لبنانية
سعيد:وكمان بتكذبي عليا ..
ويقوم ضاربها بالقلم..
سعدية وهي بتعيط:والله العظيم ده الواد بتاعها وانا مليش فيه ولا كنت
اعرفه‘ هي طلبت مني اكلمه
وانا جلتلها سعيد هيجتلني .. بس انا خفت اجولك بس والله كنت هجووولك اما
ارجع البلد
سعيد بعصبية:انتي خااااااااااااااااااااينة وكذااااااااابة ‘ البت صاحبة
الشُجة جدرت تأثر عليكي صح..
ويبدأ سعيد يضرب سعدية جامد ويشد شعرها ويوقعها على الارض ويرفصها برجله
ويزعق بجنون
ويقول:يااااااااااا خااااااااااااااينة يا بنت الـ........... انا تعملي
فيا اكديه.......
سعدية بعياط شديد:وربنا ما بخوووونك يا سعيد والله العظيم كنت اموووت لو
فكرت بس اجي عليك
سعيد بجنون:اخرررررررسي يا حيوانة يا ساااااااااافلة!! جبتي العااااااااار
لياااااا ولعميييييي
ويفضل يضرب فيها بجنون وفجأة يقلها:ضيعتي شررررررفك يا حقييييرة!! انا براقبك
بجالي
فترة وشفته امبارح وهو طالع وكنت لوحدك في الشُجة لوحدك!!
سعدية بانهيار:وربنا ما كنت موجودة امبااااارح لما جه وربنا ما كنت
موجوووودة!!
سعيد بجنون:يبجى خليني اتأكد
سعدية بصدمة:مش فاهمة!!
سعيد:انتي مرتي وانا حر معاكي
ويقرب منها ويوقعها على الارض ويمسك ايدها الاتنين بايد واحدة ويحاول يتعدى
عليها وسعدية
بتصرخ جامد اووي:لاااااااااا لاااااااااااااااا لاااااااااااا يا
سعيييييييييد لااااااااااااا جووووووم ..
يالهوووووووووي يا ناااااااااااااس حد ينجدنييييي
يكتم سعيد بايده بقها وسعدية تفضل تقاوم وهو يحاول يعتدي عليها وكل ما
تحاول تقاوم اكتر يفضل
يضربها بجنون وبعصبية ويكمل اعتدائه عليها وهي تحاول تقاوم وتضربه برجلها
وتحاول تخلي
ايدها تفلت منه وتخربشه عشان يبعد عنها بس متقدرش لانه كان اقوى منها..
سعدية بصريخ وعياط:جوووووم يا سعيييييييد جوووووم متبجاش مجنون وتخلي
الغيرة تعميييييك
تحاول تفلت منه وتقدر تزقه شويه عنها ولسه هتقوم وتجري بعيد عنه يقوم
جايبها ويفضل يضرب
فيها لحد ما يغمى عليها ويكمل زي المجنون اعتدائه عليها ولما يكتشف ان
كلامها كان صح وانها
كانت شريفة يجن جنونه اكتررر ويبدأ يفوقها..
سعيد:جوووومي يا سعدية جوووومي
ويفضل يرش عليها مية لحد ما تفوق واول ما تفووق وتكتشف اللي حصل تفضل تصرخ:
حسبي الله ونعم الوكيييل فيك حسبي الله ونعم الوكيل فييييك
سعيد بخوف:ممم مممتخافيش يا سعدية اا انا هتجوزك بسسرعة
سعدية:وتفتكر اني ممكن اتجوزك بعد اللي عملته ده ‘ انا هجلب عليك اعمامي
كلاتهم وهجول
لابويا وافضحك
يتعصب سعيد ويبدأ يضربها جامد:مش هتجدري مش هتجدررررري
وياخد السكينة ويقوم ذبحها من عند رقبتها وهي بتقوم تكون ماسكة في ايده
جامد اوووي لدرجة
انه بضوافرها تحفر في ايده وتعلم في ايده وهو كان بيبعدها عنه لان ضوافرها
كانت غرزت
في ايده..وينزل من ايده دم على هدومها بس مياخدش باله..
اول ما يبدأ سعيد يستوعب اللي حصل يبدأ يمسح كل بصماته من على كل مكان في
الاوضة
وياخد السكينة ويحطها في كيس ويدور في اوضة سعدية على اي حاجة تثبت انها
كانت بتخونه
بس ميلاقيش غير دفتر صغير كانت سعدية كاتبة فيه كل حاجة بتحصل ليها..
وبعد ما يمسح اثاره يطلع يهرب بسرعة..
يرجع سعيد للواقع وطبعا كان وهو بيفتكر بيحكي للظابط وبعدين يكمل ويقول:
كنت عايز انتقم في اية لانها هي اللي جابت وسمحت لكل بنت تجيب الواد بتاعها
الشُجة زي ما
سعدية كات بتشتكي ‘ عشان كده كت عايز البسها الجضية كلاتها..
الظابط:امرنا نحن بحبس المتهم سعيد الجبلاوي اربعة ايام على ذمة القضية
وتحويل اوراقه
للمحكمة..
سعيد بجنون:سعدية رااحت خلااااااص..سعدية ماااااااتت
يخرج سعيد من برة المكتب يلاقي اهله واهل سعدية واقفين وكلهم عمالين
يعيطوا..
اول ما يطلع من المكتب تجري ام سعدية عليه وتضربه
وتصرخ:جتلتهاااااااااااااااااا ليييييييييييييييه
جتلت بنتي ضنايااااااااا لييييييييييييييييييييييييه
سعيد بجنون:جتلتهاااااا انا جتلت حبيبتييييي انا جتلت ام اولااااادي
ام سعدية:ربنا يحرج جلبك زي ما حرجت جلبي على بنتي ‘ ربي بنتقم منك زي ما
جتلت بنتي
ابو سعدية:ليييييه يا سعيد تعمل اكديه في بت عمك!! دي كات بتحبك يا بني!!!
حرااااااام عليك
تحرمني من نووووووور عيني!! لييييييييييييييييييييييييه يا سعييييييييييد
ليييييييييييييييه!!
سعيد بجنون:انا جتلتهاااا عشان بحبها!! كت زي المجنوووون معمييي ! انا جتلت
حيااااااتي
دي كات بتستنى الصيف عشان تشوووفني اجووووم انا اجتلها بايدي الاتنين
دوووول..
ويبدأ سعيد في الانهيار بالعياط ومامته واخواته يصرخواااااا
ام سعدية:اااااااااااااااااااااااخ يا بنتي ‘ فييييييييينك يا
ضنايااااااااا
ياخدها ابو سعدية في حضنه ويفضلوا هما الاتنين يعيطوا وام سعيد تصرخ على
ابنها اللي
قتل مراته وضاع وابو سعيد يقع من طوله..
*********************************************************************************************
اية اول ما تخرج من القسم تشوف عبود مستنيها مع توتا.. تجري توتا عليها
وتحضنها اوي..
توتا:وحشتيني اووي
اية:انتي اكتر يا حبيبتي
بعدين تبص لعبود وتقله:ليه جبتها هنا؟ مكنتش حابة انها تشوفني كده!
عبود:متخافيش هي متوعاش ده ايه! بعدين لما سمعتني وانا بقول لامي هجيلك
شبطت فيا! مش عارف
انتي خلتيها تحبك ازاي! دي مش بتحب اي حد بسهولة..
اية بابتسامة:واضح ان دي وراثة في عيلتكم مش اي حد بتحبوه بسرعة..
عبود:بس مش عارف معاكي ليه القواعد بتتكسر!!
اية:يعني ايه؟
عبود يغمز لها:يعني الحدق يفهم بقى!!
اية بخباثة:اممم مش فاهمة؟؟
عبود:هههههه لا فاهمة!
توتا:يلا بقى يا عبود مش هفتسحني!
عبود:هفتسحك!! كام مرة اقلك اسمها هتفسحني هفتسحني!!
اية تبوس توتا من خدها فيبص ليها عبود بابتسامة كبيرة ويقول:يابختها..
********************************************************************************************
**********************************************************************************
في شقة 22 اهل داليا بيحاولوا يعرفوا هي راحت فين ولا تكون مع مين ومش قادرين
يعرفوا..
مامة داليا بعياط:انت السببب انت اللي ضيعت بنتي منييي
الاب بجفاء:انتي اللي معرفتيش تربيها ‘ ياما قلتلك شدي عليها اكتر من كده!
دلعك ده اللي
ضيعها..
الام بانهيار:حراااام عليك بنتك طفشت من الخوف ومن الحصار اللي انت عاملة
عليها ‘ خنقتها
لحد ما طفشت مننا..
تيجي ليهم اية وهي حزينة وتقلهم:انا لقيت الورقة دي عندي في الاوضة ‘ داليا
سابتها عندي..
تاخد الام الورقة وتلاقي مكتوب فيها:مش هقدر ارجع معاكم السعودية ‘ انا
هسافر امريكا واعيش
حياتي زي ما انا عايزة حرة ‘ انسوني زي ما انا هنساكم..
الام بجنون وهستريا:يعني ايه الكلام ده !! هااا يعني ايه؟!! يعني بنتي
خلاااااص!! مش هشوووفها
تاني!!
*********************************************************************************************
داليا في الشقة مع حمزة..
حمزة:يعني ايه هتسافري امريكا؟؟! وانا؟
داليا:حمزة انت جبان زي ماانا كنت وانا مبقتش عايزة اي حاجة فيها خوف ولو
واحد في المية
انت السبب في اللي انا فيه دلوقت ومتهيألي انا مش هقدر اكمل معاك بطريقتك
دي.. انا عايزة
اعيش حياة مختلفة عن حياتي اللي قبل كده..
حمزة:نعيشها سوا بس متسبنيش يا داليا انا بحبك وهقول لبابا
داليا:لاااا انا مبقتش داليا بتاعت زمان يا حمزة.. انا واحدة جديدة ومينفعش
تفضل في حياتي الجديدة
حمزة:بس انتي مراتي!!
داليا تخرج الورقة العرفي من شنطتها وبكل استهزاء:لو على دي! فا اهي
وتقطع الورقة قدامه..
حمزة باندهاش:انا مش مصدق انك داليا!!
داليا:ما انا قلتلك داليا اللي كنت تعرفها انتوا قتلتوها وداليا الموجودة
دلوقتي قلبها ميت ومبتعملش الا
اللي هي عايزاه..
تسيب داليا حمزة وهو مصدوم انها اتغيرت للدرجة السيئة دي وتسافر امريكا..
هناك قلعت داليا
حجابها وبقت تشرب سجاير وتسهر كل يوم بليل في ديسكو وتشتغل في النهار عشان
تقدر تصرف
على نفسها ومقضية وقتها كله في انها تعرف شباب وترقص وتعمل كل حاجة غلط
كانت محرومة
منها.. الوحيدة اللي كانت بتكتب ليها هي اية واللي عرضت عليها كتير انها
ترجع مصر بس
داليا رفضت وقالتلها انها بتعاقب نفسها بالحياة والطريقة اللي هي عايشة
فيها دي قبل ما تعاقب
اي حد تاني..
*********************************************************************************************
بعد شهرين في المستشفى اللي كانت عنود بتتعالج فيها يدخل عليها دكتور
شريف..
شريف:ها اخبار البنوتة الدلوعة ايه؟
عنود:انا زينة
بمعنى:انا كويسة
شريف بابتسامة:طب الحمد الله ‘ عندي ليكي زائر مصمم بقاله فترة انه يشوفك
عنود باستغراب:من؟؟
شريف بقلق:خالد
عنود وهي مصدومة:خالد من!!!!
شريف:خالد اللي كنتي بتحبيه
عنود:شنوووو!!!
شريف:ادخله؟ يعني مستعدة تشوفيه؟؟
عنود بتهز راسها وهي ساكتة
يدخل خالد وينسحب شريف وهو مضايق من جواه..
خالد:شلونج!
بمعنى:ازيك؟
عنود:من جالك اني اهني؟
بمعنى:مين قالك اني هنا؟؟
خالد:دانة ‘ دريت منها كل شي وصممت ان اعرف مكانج وجالتلي ‘ وحشتيني
واااايد يا عنووود..
انا طلجت مرتي وعرفت اني ما جدرت احب غيرج يا عنود!! تميت اتعذب كل ها
السنوات بحبج
بمعنى:دانة ‘ انا عرفت منها كل حاجة وصممت اعرف مكانك وقالتلي ‘ وحشتييني
جدا يا عنود.. انا
طلقت مراتي وعرفت اني مقدرتش احب غيرك يا عنود!! فضلت اتعذب كل السنوات دي
بحبك..
عنود بضحكة فيها مرارة:وشنو مطلوب مني احين!! اول ما اعرف هلون اركض حجك
واجولك
يلا خلنا نتزوج!!
بمعنى:وايه المطلوب مني دلوقتي!! اول ما اعرف بكده اجري ليك واقولك يلا
خلينا نتجوز!!
خالد:اعرف يا عنود انج اهني تتعالجين بسببي انا!! وانج مب جادرة تنسيني!!
بمعنى:انا عارف يا عنود انك هنا بتتعالجي بسسبي وانك مش قادرة تنسيني!!
عنود:خلني اسوي مثل الافلام جيت متأخر يا خالد!متأخر واااااااااايد..
بمعنى:خليني اعمل زي الافلام جيت متأخر يا خالد ..متأخر اووووي
خالد:يعني شنو؟
بمعنى:يعني ايه؟
عنود:انا ما صرت احبك يا خالد ولا بقبل فيك انك تكون في يوم زوجي!! انا كنت
فاهمة الحب غلط
وكنت عايشة حياتي كلها غلط بسبتك! بس الحمد الله عرفت ان الحب امان وثقة
ووعد يتحقق وعرفت
انك عمرك ما كنت الحب الحقيقي اللي يخليني اعيش عمري كله به!
بمعنى:انا مبقتش احبك يا خالد ولا هقبل انك تكون في يوم جوزي!! انا كنت
فاهمة الحب غلط
وكنت عايشة حياتي كلها غلط بسببك! بس الحمد الله عرفت ان الحب امان وثقة
ووعد يتحقق
وعرفت انك عمرك ما كنت الحب الحقيقي اللي يخليني اعيش عمري كله بيه!!
يدمع خالد ويمشي وهو مكسور وبعد ما يمشي تفضل عنود تعيط ‘ يدخل عليها شريف
وهو مضايق
عشان بتعيط بس يبتسم ليها بانكسار ويقول:طالما بتحبيه كده وبتعيطي عشانه
ليه سبتيه يمشي؟
عنود:انا مش بأعيط عشانه! انا بأعيط عشاني انااا!! اخيرا حسيت اني حرة من
سنين!!
شريف:يعني مبقتيش تحبيه؟
عنود:تؤ
شريف يبتسم ليها:يعني خلاص خفيتي ووجودك هنا مبقاش ليه لازمة!
عنود:ايه ده؟يعني هأسيب المستشفى؟
شريف:ايوة خلاص انتي خفيتي ومبقتيش محتاجة اي علاج نفسي..
عنود بحزن:بس ...
شريف باهتمام:بس ايه؟
عنود:يعني خلاص؟
شريف:اممم
عنود:دكتور هو ممكن يحصل حب فجأة؟ يعني .....
شريف بابتسامة فيها فرحة كبيرة:ممكن
عنود باحراج:انت فاهمني صح
شريف بخباثة:فاهم ايه؟
عنود باحراج:بلا احرااااااج
شريف:هههههه..طب بجد نتكلم بجد..لو تسمحي يعني لو القلب بقى خالي تفتحي
الشباك من تاني
عشان انا شايف عصفور الحب واقف على بابه مستنيكي تفتحيله الباب ينفع؟؟
عنود باحراج وبصت لشريف وهزت راسها..
*********************************************************************************************
بعد مرور سنة اية وعنود عايشين مع بعض لسه في شقة 22 .. اية راجعة من
الجامعة وهي مبسوطة
واول ما دخلت عنود جريت عليها وقالتلها:هااااا؟؟؟ عملتي ايه؟
اية بفرحة كبيرة:نجحتتتتتتتتتتتتتتتت انا اتخررررررررررجت
اخيرررررررررررررا
عنود بتحضنها وهي مبسوطة:واهووووووووو مبرووووووووووووك ‘ روحي اتصلي في
عبود
لانه مللني واهو كل شوي يتصل على البيت ها اية ردت ها اية ردت وانا تعبت
وانا اجول لما
بترد بجولها يا عبود انك اتصلت..
بمعنى:روحي اتصلي في عبود لانه مللني وهو كل شوية يتصل على البيت ‘ ها اية
رجعت ها اية
رجعت وانا تعبت وانا اقوله لما ترجع هقولها يا عبود انك اتصلت..
اية بفرحة:حبيبي اكيد على نااااااااار..اما اروووح اتصل بيه..
تخش اية جوة وترجع تاني تقول لعنود وتقلها:اه صحيح مش نادين بعتتلي جواب
وقالت انها
هتقدر تحضر فرحي في الصيف ان شاء الله..
عنود بفرحة:صج؟؟ حلوووووووو
بمعنى:بجد؟؟حلووووو
اية:عقبالك انتي وشريف ياااارب..
عنود:يأسمع من بئك ربنا ‘ هو مستنيني ان شاء الله اخلص جامعة وينزل معاي
البحرين يتقدم
لاهلي.. انتي اهلج وافقوا على عبود؟
اية:هههههه انا لما قلتلهم ان فيه واحد عايز يتقدم ليا اول حاجة عليها
سالوا هو عنده فلوس اد ايه
وهيعيشني فين ولما عرفوا انه عنده معرض عربيات وافقوا على طول ويادوب
هينزلوا قبل
الصيف عشان يقروا الفاتحة وعلى الصيف نتجوز..
عنود:توتا وحشتني كثيييير
اية:وانا كمان..تيجي نقلهم نخرج بليل نتعشى بمناسبة تخرجي وكده؟
عنود:ايوووووة ياااااريت..
اية:تمام خليني اروح اكلم عبود بقى..
عنود:انزين بأقولك مش هتعزمي داليا؟
اية:عزمتها بس برضو مش عايزة تيجي مصر تاني..
عنود:انا بأشوف صورها على الفيس بصراحة لحد دلوئتي مش ئادرة استوعب انها
بئت كده!
اية:وانا بصراحة وبكلمها كتير والله بس خلاص هي مبقتش بتسمع لحد! داليا
مشيت في طريق
رجعته صعبة اووي!!
عنود:الله يساعدها..
اية:سبيني بقى اروح اكلم حبيبي..
بعد ما تكلم اية عبود ترجع لعنود وتقلها:هو انا المفروض اعزم اهل سعدية ولا
بلاش؟
عنود بحيرة:ما اعرف
اية:لا لا بلاش اكيد هما لسه زعلانين على سعدية واكيد كمان لسه مفقوش من
صدمة ان سعيد
اتعدم! لا لا لا مش هعزمهم..
عنود بحيرة:اامممم احسن..
اية:صحيح توتا اما كلمتها دلوقتي بقلها عاوزة ايه اجيبلك معايا شيكولاتة
ولا لبان بتقلي لا هاتي عنود
عنود:ههههههه حبيبتي.. عندها ست سنين بس تحسين انها كبيرة..
اية:ايوة مش اخت جوزي
عنود:انزين انا كلمت شريف وجاي على العشا..
اية:حلوو
تسرح اية وتسألها عنود:وين روحتي؟
اية:افتكرت من سنة ازاي الشقة دي كانت مليانة دوشة وخناق سبحان الله!!افتكرت
سعدية كمان
الله يرحمها.. اكيد كانت هتفرحلنا اوووي ان كل واحد فينا لاقى نصيبه..
عنود بحزن:انا بصلي كتير وادعلها ..
اية بابتسامة مليانة دموع:اكيد بيوصلها واكيد دي اكتر حاجة ممكن تريحها
دلوقتي!
النهاية.....................
