الحلقة الرابعة من قصة"غيبوبــــــــــــــــــــة"

الحلقة الرابعة

يقوم مروان مفزوووع من نومه على دخلة منى الاوضة..

منى بقلق:مالك يا مروان

مروان:نفس الكابوووس

منى:هو؟

مروان بخوف:ايووة

منى:وبعدين في الحكاية دي

مروان بتوتر:ممم ممش عارف

منى:روح لدكتور نفساني‘ مينفعش تسكت على نفسك اكتر من كده

مروان:حح ححاضر

منى تقوم تفتح التلاجة الصغيرة اللي موجودة في اوضتهم وتصب كوباية مية لمروان..

منى:خد اشرب ونام

مروان:لاا اا ااانا نازل تحت المكتب شوية

منى:بس انت عندك شغل بدري؟

مروان بضيق:عادي يا منى ‘ نامي انتي

ينزل مروان للمكتب وتفضل منى في الاوضة لوحدها تكلم نفسها..

منى لنفسها: ان شاء الله عنك ما رجعت انت هتقرفني بكوابيسك ليه!! وبعدين يا منى واخرتها في الحالة

اللي انتي فيها دي! قلتي لنفسك لما تتجوزيه وتتمرمغي في فلوسه ومجوهراته وفيلله وعربياته هتنسي

اسر وتنسي في يوم انك كنتي خطيبته!! لحد امتى بقى هتفضلي كده قلبك مع اسر وجسمك مع مروان!!

*********************************************************************************

مروان تحت في المكتب بيفتكر ايام زمان لما كان هو واسر صحاب..

*********************************************************************************

 اسر متولدش غني لكن كان صاحب مروان في ابتدائي. اسر من عائلة متوسطة مات باباه ومامته في

حادثة عربية لما كان في  ثانوي ومن ساعتها بقى وحيد في الدنيا لوحده رغم وجود اخوات مامته وباباه

الا ان كل واحد كان مشغول مع عياله..

 الوحيد اللي كان واقف معاه هو صاحبه القريب جدا مروان.. عيلة مروان كلها

كانت بتعتبر اسر واحد من العيلة وخصوصا مامة مروان كانت بتعتبره ابنها التاني اللي مخلفتهوش

واضطر اسر انه يشتغل عشان يصرف على دراسته ويكمل حياته ويبني نفسه بنفسه من غير مساعدة

حد.. بابا مروان اتكفل بالموضوع ده وخلاه يشتغل معاه موظف في شركة من شركاته ..

ولما جه يدخل كلية اختار انه يدخل السن عشان يبقى عنده كذا لغة وده يخليه شاطر اكتر اما يكون

معتمد على نفسه ‘ ده غير احيانا المعاملات والصفقات اللي بابا مروان بيبعته يخلصها عشان هو امين

وعلى كفأ برة مصر يخلصها.. بس كانت بتواجهه صعوبة احيانا لانه كان بيحتاج لمترجم.. عشان كده

قرر انه يفهم بنفسه وميحتاجش لحد ‘ بس مروان دخل تجارة انجليزي وده لان مروان كان محتاج

يفهم شغل باباه ازاي بيمشي واللي كان اسر فهمه من خبرته في الشغل مع بابا مروان..

اما حبيبة فكانت اصغر منهم بسنتين ولما دخلوا هما اولى كلية كانت هي في تانية ثانوي وعندها

16 سنة..

حبيبة اول ما بدأت تفهم الحياة وتعرف ايه اللي بيحصل حوليها وهي صغيرة شافت اسر قدام عينها

كبرت وهي بتحبه بس كان حب من طرف واحد‘لان اسر مكنش بياخد باله من حبها وكان دايما بيفسر

طريقة معاملتها معاه على انه اخوها الكبير..

في عيد ميلادها ال 18 كان صدمة ليها ‘ كانت داخلة اولى كلية وكان اخوها واسر في تالتة كلية

السنة اللي قبل الاخيرة ليهم.. في اليوم ده كانت حبيبة ناوية تلمح جامد لاسر بحبها لانها مكنتش

تقدر تقوله بكل صراحه..

كانت حبيبة بتجهز لعيد ميلادها وبتحاول تختار تلبس ايه..

حبيبة:مممم مش عارفة البس ايه يا ريما؟

ريما:ما تلبسي اي فستان من اللي عندك!

حبيبة:هو انتي يا بنتي انتي عمري ما اقلك اعمل ايه وتقوليلي على حل كويس!! انا مش عارفة انتي

ازاي صحبتي الانتيم!!

ريما:هههههه صاحبتك الانتيم عشان مستحملاكي..

حبيبة:طب لا بجد البس اي فستان؟؟ عايزة البس فستان حلو اووووي

ريما وهي بتغمز:ليه هو جاي؟

حبيبة:اكييييد طبعا

ريما:ومالك واثقة اوووي كده ليه!! عادي ممكن ميجيش

حبيبة:انتي بتغيظيني ولا بتغيظينيي؟؟ لا بجد يعني حد قالك اني عايزة افقع المرارة؟؟

ريما:الله يا بيبا بحب ارخم عليكي

حبيبة:لا مش وقته حبيبتي

ريما:اممم البسي الفستان ده

وتشاور ريما على الفستان ‘تروح حبيبة تلبسه وبعد ما تلبسه تقول:

حلو؟

ريما:حلووو اوووي ماشاااء الله

حبيبة:تفتكري هياخد باله؟

ريما:من ايه حضرتك؟؟

حبيبة:يعني اننا معجبة بيه وكده

ريما بسخرية:ليه هو مكتوب على ضهر الفستان انك معجبه بيه؟!

حبيبة:ايه السخافة دي!!

ريما:ما انتي اللي بتقولي كلام مش منطقي! ياخد باله ازاي يعني؟

حبيبة:مش عارفة بقى..بقلك ايه انا هروح لمروان اعرف منه هو جاي امتى

ريما:طب اجي معاكي

حبيبة:اشمعناااا هااا هااا؟؟

ريما باحراج:يووووه عليكي يا بيبا ‘ يلا بقى مفيش وقت

حبيبة:طيب يلا

يروحوا الاتنين عند اوضة مروان ولسه حبيبة هتخبط سمعت صوت اسر من جوة..

ريما:ايه مخبطتيش لييه؟؟

حبيبة بصوت واطي:شششش اسر جووووة ‘ تعالي نسمع بيقولوا ايه وبعدين نخبط..

اسر جوة الاوضة مع مروان بيقول: من اول ما شفتها يا مروان وانا متعلق بيها

مروان:وبعدين يا روميو؟؟ كلمتها؟؟

اسر:لا خايف

مروان:من ايه؟

اسر:خايف يعني اتهور وكده واخسرها

مروان:لا وتخسرها ليه يا بني!! ده ابو الهول لو في مكانك كان زمانه نطق! انت بتحبها من وانت

في اولى!!

اسر:مكنش ينفع اقولها ساعتها! اكيد كانت هتعتبرني عيل وقتها ‘ يعني كنا لسه في اولى كلية واقوم

رايح اقلها انا معجب وبتاع اكيد كانت هتتريأ عليا خصوصا ان منى واقعية وعملية شوية..

وقت ما سمعت حبيبة الكلام ده بصت لريما وبدأت عيونها تدمع

ريما بصوت واطي:تعالي نرجع اوضتك يا حبيبة بدل ما حد يسمعنا

وفعلا يرجعوا سوا الاوضة واول ما حبيبة تدخل اوضتها تبدأ في العياط جاااامد..ريما مكنتش عارفة

تعمل ايه خصوصا انها عارفة اد ايه حبيبة بتحب اسر واد كانت بتحلم باليوم اللي تتجوز فيه اسر..

ريما بتحاول تجمع في كلام:مم ببصي يا بيبا انا عارفة ان اكيد قلبك موجوع اوووي واي كلام

مهما قلته مش هيشيل الوجع منه بس حاولي متخليش اي حد ياخد باله من الحكاية..

حبيبة:عشان كده مكنش بياخد باله من حبي ليه!! عشان قلبه مشغول بحد تاني..

ريما:بيبا النهاردة عيد ميلادك حاولي تفرحي وحطي الموضوع ده على جمب شوية!! الناس النهاردة

لازم يشوفوا انك بتضحكي وبتتعاملي عادي خالص بدل ما الكل ياخد باله انه فيه حاجة!!

حبيبة:دي اسوأ هدية جتلي واسوأ عيد ميلاد في حياتي! هه  وانا اللي كنت ناوية المح ليه زيادة

شوية..الحمد الله اني معملتش كده والا كان زماني بقيت مغفلة ..انا غبية اووووووووووووي..

فضلت حبيبة تعيط وريما تحضنها وتطبطب عليها وتحاول تهديها..

بعد ربع ساعة حاولت حبيبة انها تكتم حزنها جوة قلبها وترسم الابتسامة على وشها عشان محدش

يحس بيها ونزلت من الاوضة عشان الناس كانت بدأت تيجي..وهي نازلة قابلت في وشها اسر..

اسر:كل سنة وانتي طيبة يا احلى بيبا

حنين:وانت طيب يا اسر

اسر بيديها الهدية ويقلها:يارب تعجبك يا ستي لحسن انا فضلت بجد ومن غير مبالغة ساعتين في المحل

بحاول اجيبلك هدية ومش عارف اجبلك ايه..

حبيبة بكل هدوء:مش مهم الهدية اد ما مهم قيمتها المعنوية..

اسر بهزار:ولا قيمتها المادية

حبيبة بابتسامة:انت عارف اني عمري ما بصيت للكلام ده

اسر:عارف والله وبهزر معاكي..بس انتي مالك؟فيكي حاجة؟؟

حبيبة بكل تصنع:انااا!! لاا لا لا خالص على فكرة انا بالعكس ااناا ده ددده انا مبسوووطة جدا

اسر باستغراب:ممم ..يارب تكوني فعلا كده!! المهم قوليلي سمعت صحيح من مروان انك هتدخلي

السن؟ بتقلديني مثلا؟؟

حبيبة:ههههه واقلدك انت ليه!! خلصوا البشر عشان اقلدك انت!! انا بس حبيت مجال الكلية..

اسر بهزار:بصي يا ستي انا وبكل تواااضع والله ومش عارف من غيري كنتوا عملتوا ايه ‘ مستعد

اشرحلك اللي انتي عايزاه..

حبيبة:شكرا يا اسر

اسر:العفوو ‘ بس من  امتى بينا شكرا يعني!

حبيبة:من النهاردة

اسر باندهاش:مالك بجد يا حبيبة؟؟

حبيبة بضحك هستيري:ههههههههههههههههههههههههههههه بهزر معاك ايه مينفعش اهززززر!!

اسر:هههههههه تصدقي بتعرفي تمثلي!! افتكرتك والله زعلانة مني في حاجة!!

حبيبة:لا طبعا وازعل منك ليه.. معلش يا اسر بس ريما واقفة لوحدها ‘ خليني اروح ليها..

اسر:اه ااه طبعا اتفضلي..

تروح حبيبة لريما اللي كانت واقفة مع مروان وتاخدها من عنده ويقوم اسر رايح لمروان..

اسر:اختك شكلها مش طبيعي

مروان باستغراب:اه انا بردو حاسس كده!! بيبا دلوقتي غير بيبا بتاعت الصبح!!

اسر:طب ما تحاول تعرف يا ابني هي مالها

مروان:وانت معرفتش ليه يا خويا ما انت قريب منها اكتر مني انا شخصيا وكانك انت اللي اخوها

مش انااااا!!

اسر:يا سااااتر علييييك..

في الناحية التانية ريما وحبيبة قاعدين..

ريما:يا بيبااااا اخوكي ملاحظ ان فيكي حاجة!! وسألني عليكي

حبيبة بقلق:وقولتيله ايه؟

ريما:قولتله يا ستي انه موهوم وانك زي الفل ومبسوطة..

حبيبة بحزن:مش قادرة اتخيله لحد غيري يا ريما!! مش قاااادرة!! تخيلي وهو بيديني الهدية بتاعتي

وبيتكلم كنت خلاص هموت واقله  انا بحبك وانت مش حاسس بيا!!

ريما:تبقي مجنووووونة

حبيبة:انا بقلك كنت عايزة بس اكيد مش هعملها!!انتي عارفة مبدأي في الحاجات دي! انا كان اخري

ابين اهتمامي بيه لكن اكتر من كده مكنش ينفع..

ريما:ماتعرفيش يا بيبا!! لو ربنا كاتب انه يكون من نصيبك هيبقى لو حتى ايه!!

حبيبة بابتسامة فيها انكسار:صح..انت كلامك صح..

استنوني الحلقة اللي جاية.....