الحلقة الثالثة من قصة "غيبوبـــــــــــــــــة"

الحلقة الثالثة

تصحى منى من غيبوبة السرحان اللي كانت فيها على صوت مامتها وهي بتقلها:

اومال فين جوزك يا منى؟

منى من غير نفس:معرفش!

الام:طب ما تتصلي بيه يا حبيبتي يجي هو واخته يتغدوا معانا

منى:امم لا يا ماما هو وراه شغل ومش فاضي

الام:وانتي مالك؟

منى:قرفاااانة يا ماما وتعبانة اووووي

الام:ليه بس كده؟؟

منى:مش عارفة بس بجد مبقتش طايقة مروان

الام:يا ساااااتر!! هو انتي لحقتي يا بنتي!! ده انتي بقالك تلت شهوور بس متجوزاه!!

منى:ومش قادرة حاااسة اني بقالي تلت قروووون معااااه ‘ بجد مش قاااادرة

الام:ياما نصحتك يا بنتي بس اااااخ منك ومن دماغك النااااشفة ‘ مسمعتيش كلاااااامي

منى:كنت فاكرة اني لما اتغنغ في الفلووس ممكن ده يعوضني عن الحب!!

الام:ياما حذررررتك يا بنتي وقلتلك مينفعش تجمعي بين الاتنيييين ‘ مينفعش تجري ورا الفلوووس

وتدوري على الحب في نفس الوووقت..

منى بعصبية:ليييييييييييييييه مينفعششششششش!! ما نااااااااس كتيرة بيبقى عندها الاتنييييييين

ولا عندي كل حااااجة بتقف!!!!! ولا عندي المراكب السااااايرة بتتعطل!!

الام:استغفر الله العظييييم.. يابنتي ارضي بقليلك ربنا يزييييدك!!!

منى بعياط:رضيت كتيييييييير جابلي الرضاااا ايه غير الفقر ووجع القلب!! جابلي ايه وانا بشوووف

صحباتي في المدرسة بيلبسوا ويخرجوا وانا مش قادرة اعمل زيهم!! جابلي ايه وانا بشوفهم متجوزين

رجالة بيهدوهم بخاتم تمنه بالالاف وانا مش لاقية غطا يغطيني في عز السقعة!!! بس يا امي

بطلي بقى النغمة اللي مكنتش بتجيب همها دي!!

الام بانكسار:وعمرررك ما سألتي نفسك امك واخواتك الرجالة كانوا بيعملوا ايه عشان يحاولوا

ميحسسوكيش بالضعف ولا العجز؟؟ ولا انتي كنتي بتبصي لنفسك وبس!! يابنتي دول اخواتك كانوا

بيشقوا طول اليوم ويرجعوا يدوب ياكلوا لقمة ويشتغلوا تاني عشان يصرفوا عليكي انتي واخواتك

البنات وعشان لما واحدة فيكم تقول يا جواز يعرفوا يجوزوها!!

منى:كل ده خلاني ارمي الحب وقلبي ورايا وابص على مصلحتي اول ما عرفت ان مروان بيحبني

وعينه مني! قلت وانا ليه مستفدش بده!!

الام بحزن:والمسكيييين اللي كان مخطوبلك!! ذنبه اييييه بعد ما سهر الليالي واتعذب واتمرمط هو كمان

عشان يجبلك ويعيشك العيشة اللي بتحلمي بيها تعملي فيه كده!!

منى:ذنبه انه مش في غنى مروان..

الام بحزن:بس ربنا اداله وبقى حاجة كبيرة

منى:ما ده اللي واجعنيييييي وغااااااااااايظني!!!!! لييييييييييييه يديله بعد ما انا اسيييييييبه!!؟؟ ليييييه

مدلوووووووش وانا معااااااااااه..لييييييييييييييه ليييييييييييييييييييييييييييييييه..

يدخل اخوها احمد فجأة ويقول:عشان انتي متستاهلهووووش يا منى!!

منى بعصبية:انت مااااااااااااااااااالك!! بتتدخل ليييييييه!!

احمد:احترررررمي نفسسسسسك!! انا اخووووكي الكبيييير واوعي تكوني فاكرة انك عشان اتجوزتي

واحد من ابن الاكابر وبتجبلنا كل شهر فلوس وهدايا تبقي هتكسري عينا!! لااااا يا ماما فوووووقي

احنا مهما كنتي ولا بقيتي احنا اللي كبرناكي وربناكي..اوووعي تنسي اصلك يا منى هانم وتعرفي

تتكلمي معايا باحترام..

الام:لا حول ولا قوة الا بالله.. انا هقوم احضر الاكل ‘ هتاكل يا احمد يا حبيبي

احمد:لا مش هاكل هريح ساعتين يا امي عشان انا اتسدت نفسي..

الام:شفتي قلة ادبك!!

منى:يوووووووووووه انا هنزل واسبلكم البيييييييت..دي عيشة تقرف..

خرجت منى ورزعت الباب وراها...
******************************************************************************

في المستشفى كان اسر نايم في اوضته لوحده ولسه في الغيبوبة بس كان جوة عقله فيه اصوات

كتير شغالة جوة مخه..اصوات متداخلة في بعض وعقله مش فاهم الاصوات دي بتاعت مين ولا ليه..

صوت امواج بحر على صوت فرامل عربية جااااااااامد على صوت بنت بتعيط على صوت صريخ..
******************************************************************************

في الفيلا حبيبة قاعدة بتبص على اخوها مروان اللي قاعد سرحان من ساعة ما رجعوا من برة

وبتبص على الساعة وتقول لنفسها:هي مالها اتاخرت ليه دي كمان!!

ومفيش دقايق وتدخل منى وشايلة معاها اكياس.. يجري عليها مروان بلهفة:

اتأخرتي ليه يا حبيبتي ‘ انا كنت هموووت من القلق عليكي

منى بكل برود:مفيش مشيت من عند ماما حسيت اني عايزة اعمل شوبينج

مروان:طيب يا حبيبتي مقلتليش ليه؟ بتصل بيكي وتلفونك مقفول!!

منى:اه ما الشحن فضي منه!

مروان بابتسامة:ها جبتي ايه؟

منى بدلع:تعالى اوريك فوق في الاوضة‘لحسن انا جبت حاجات تجنن..

بعدين تبص على حبيبة وتزيد في الدلع بتاعها وتقول:وبعدين يا حبيبي مينفعش حبيبة تشوفها

اصلها لسه نونة على الحاجات دي..

تمشي منى وهي ماسكة ايد مروان وبتضحك بدلع وتبص بكل غرور على حبيبة..

حبيبة لنفسها:كتك القرررف من ساعة ما دخلتي هنا واخويا تعبان!!

تيجي الدادا عنايات لحبيبة وتسألها:مالك يا بنتي بتكلمي نفسك ليه؟

حبيبة:من القرف اللي عايشة معانا هنا

الدادا:لا حول ولا قوة الا بالله! مالها تاني؟ عملت ايه؟

حبيبة:يا دادا بحس انها مستقصدة تغيظني!!بتتفنن ازااااااي تعكنن عليا انا واخويا!

الدادا:انا عمري ما شفت مروان يا عيني منكسر وحزين كده! انا مش مصدقة ازاي ده مروان!

ده مبقاش عنده شخصية خالص قدامها!

حبيبة بحزن:ده اللي مجنني!! ازاااااي بتقدر تمسح شخصيته كده؟

الدادا:البنت دي مفتررررية وربنا يا بنتي يخلصكم من شرها..

حبيبة:يااااارب..انا هقوم بقى اطلع اقعد شوية في اوضتي عشان انام..

تطلع حبيبة اوضتها وتفتح درج وتطلع منه صور كتيرة ليها هي واخوها واسر وتقعد تتفرج وتضحك..

وبعد ما تخلص الصور تقوم تفتح درج تاني وتطلع الدفتر بتاعها وتبدأ تكتب:

نصادق الليل في اوج حزننا ولا نرى سواه صديق..نبتاع الذكرى الغير مصحوبة بألم ونتناسى اوجاعنا

في صدى الليل! تمر علينا الكثير من الاقنعة ونحاول ان نهرب بعيدا لكن دون جدوى! ففي النهاية

نصتدم في دوامة حزننا..وانت اين انت من كل هذا؟! تقبع هناك في تلك الدائرة المظلمة.. اصرخ

اناديك ولا تأتي..اتراك تسمع حشرجة حنيني وتتعمد الا تاتي؟! او تراه اضعف من ان يصل الى

مسامعك!! اكتب اليك كثيرا يا انت لتشعر‘ تذهب الحروف سُدى ومازلت كما انت....

لا تراني ولا تسمعني ولا تشعر بي!!!

تبص حبيبة شوية على اللي كتبته وتبص على الصورة اللي بتجمعها هي واسر وتبوسه وتروح تنام...
*******************************************************************************

منى ومروان قاعدين في الاوضة بتاعتهم ‘منى بتفتح الدرج وبتطلع سجاير ولسه هتشرب يقوم مروان

قايل:ايه ده؟! من امتى يا منى؟؟

منى:مم ممفيش ‘ قلت اجربها! اهو حاجة انفخ فيها وخلاص..

مروان باستغراب:وانتي ليه عايزة تنفخي!! اصل اللي بيبقى كده يعني بيبقى مضايق من حاجة؟!

منى:قرفانة يا مروان من حياتي فعايزة انفخ عشان انسى القرف

مروان باهتمام:ليه بس؟ حد عملك حاجة هنا وحشة؟

منى:غير اسلوب اختك المقرف لا محدش بيعمل حاجة‘ بس بحس دايما بشعور اني هطق

مروان:تحبي نغير جو في اي حتة؟

منى:مليش نفس

مروان بعصبية:اماااااال عايزة اييييه يا منى!! انا جبت اخرررررررررررري منك!!

كل حاجة بعملها ليكي مش عجباكي لييييييييييييييه؟؟؟؟

منى:هو في ايييييه!! انا اللي غبية واستاهل ضرب الجزمة عشان بفضفض معاك..

تولع السيجارة وتبدأ تشرب فياخدها مروان بعنف منها ويزعق ويقووول:مفييييييش شرررررب سجاير

منى:انا حررررررررررررررة

مروان:لااااااا انا مش موافق مراتي تشرب سجاااير

منى بدلع تقرب من مروان وتبوسه على خده وتقول بكل دلع مصطنع:تؤ ليه بس تزعل منمن منك

يا ميرو‘ ولو قولت بقى عشان خاطر منمن؟

مروان بضعف:يا منى مش عايزك تتعودي عليها..

منى بدلع:تؤ الله بقى يا ميرو

مروان بضعف:طب اوعديني انك متكتريش منها

منى:ماشي يا روحي..

مروان يقرب منها عشان يبوسها تقوم منى بسرعة من على السرير وتقله:انا نازلة تحت شوية في

الجنينة..نام انت ومتستنيش..

يستنى مروان منى تخرج من الاوضة واول ما تخرج يقوم رامي طفاية السجاير بعيد من كتر العصبية

ويقول لنفسه:انا اللي جبته لنفسي..

يقفل نور الاوضة وينام وبعد ربع ساعة يحلم بكابوس عبارة عن وشوش كتيرة مش واضحة وصوت

صريخ من بعيييد ويفضل يقرب منه وكل ما يقرب يحس مروان انه بيتخنق وكأن الصوت هو اللي

بيخنق مروان لحد ما يقوم مفزوع من النوم!!

استنوني الحلقة اللي جاية.....