الحلقة الثانية عشر من قصة" شقـــــــــــــة 22"

الحلقة الثانية عشر

اية في قسم البوليس منهارة من العياط..

اية:والله العظيم ما قتلت حد‘ والله العظيم ما قتلتها..

يجي خليفة من بعيد ومعاه عبود ‘ اية اول ما تشوفهم تفضل تعيط جامد جدا وتقلهم:

انا والله العظيم ما قتلتها

خليفة:عارف يا اية ‘ اكيد فيه حاجه غلط

عبود:ايه اللي حصل؟؟ اهدي واحكيلنا..

اية:عبد الله انت مصدق اني مقتلتهاش صح؟ صح؟؟

عبود:اكيد يا اية ‘ بس الدم اللي انا شفته ده كان دم سعدية؟؟

اية بتبص يمين وشمال:ايووة بس انا خفت اقولك لحسن تفتكر اني ورا قتلها ..

عبود:طب ممكن تفهمينا؟

اية:اليوم اللي قبل ما سعدية الله يرحمها تموت ‘ انا رجعت البيت لقيت نادين وسعدية بيتخانقوا

عشان سامر ولقيت نادين من كتر ما هي متعصبة كسرت ازاز وزقت سعدية من غير ما تحس..

فسعدية وقعت على الازاز وايدها اتجرحت جامد وخدتها نقلتها على المستشفى..

انا مكنتش اعرف بحوار الدم ده لحد ما انت قلتلي وافتكرت وقتها..وخفت اقول اي حاجة ممكن توقع

نادين في دايرة الشك..

خليفة:طب وايه حوار السكينة اللي لاقوها في شنطة عربيتك دي!!

اية:والله العظيم ما اعرف جت منين!! انا لحد دلوقتي مش فاهمة!! ازاااااي!!

تسكت اية وخليفة وعبود وبعد شوية يفتكر عبود حاجة وينط بفرحة ويقول:

اية!! فاكرة اما جبتي العربية عشان تتصلح

اية:اه؟

عبود:انا فاتحت شنطة العربية يومها عشان اشوف اذا عندك كوتش عربية غير ومكنش فيه حاجة

في شنطة العربية!!

خليفة:بجد؟؟ انت بتتكلم بجد؟؟

عبود:ايوووة...

خليفة:حلو اوووووووووي.. انتي يا اية تقولي ان السكينة دي مكنتش موجودة قبل كده وتقولي ان

عربيتك كانت بتتصلح وفيه شاهد ان شنطة العربية كانت فاضية وساعتها ياخدوا اقوال عبد الله

اية:ياااااارب.. تفتكروا هيصدقوا؟؟

خليفة:هنشووووف..بس متخافيش احنا معاكي

عبود:متخافيش يا اية.. احنا معاكي..

اية:ربنا يخليكوا ليا..

عبود:تحبي نتصل باهلك ونقلهم؟!

اية بضحكة فيها مرارة:هههه اهلي!! لا متتعبوش نفسكم وتخسروا رصيدكم.. اهلي لو اتحكم عليا

مش هيحسوا اصلا ولا هياخدوا في بالهم..

عبود بضيق:انا مش فاهم بجد! هما ازاي سايبينك كده!!

اية:متشغلش في بالك ‘ انا اتعودت على كده خلاص.. انا اصلا كتير بنسى اني عندي اهل..

يطلع الظابط من جوة المكتب ويقول لاية:اتفضلي جوة

عبود:متخافيش احنا هنا ‘ انا هجبلك محامي

اية بحزن:متكلفش على نفسك

تدخل اية جوة..

الظابط:ها يا اية؟ ممكن تفسرليلي السكينة كانت بتعمل ايه في عربيتك؟

اية بخوف:والله العظيم ما اعرف اي حاجة ولا اعرف ازاي جت!!

الظابط:ازاي؟! مش دي عربيتك؟؟

اية:ايوة فعلا عربيتي..

الظابط:مفاتيح العربية مع حد تاني؟

اية:لا

الظابط:طب ايه؟ العفريت اللي قتل سعدية جه حطها مثلا!!

اية:حضرتك انا اصلا عربيتي من يومين كانت بايظة وودتها عند ميكانيكي وكان فاتح شنطة

العربية ومكنش فيه حاجة ساعتها!!

الظابط:مش يمكن وقتها كنتي مخبياها في حتة تانية ولقيتي ان الحتة مش امان فقلتي تخبيها

في شنطة العربية..

اية بخوف:لا والله!!

الظابط:من خلال تفتينا للعربية لقينا دم واقع على الارض بتاع الكرسي اللي جمب كرسي السواق ولما

فحصنا الدم طلع نفس عينة دم القتيلة الله يرحمها! تفسري ده بايه!!

اية بتوتر ورعب وبدات تعيط لانها مش عارفة تقول اللي حصل بين سعدية ونادين وتحط نادين

في دايرة الشك ولا تخبي وتروح هي في داهية..

*********************************************************************************************

داليا مع اهلها في الاوضة..

الاب:احنا حجزنا السفر بعد اسبوع واعملي حسابك هتيجي معانا!

داليا:.....

الاب:انا بكلمك يا بنت..

داليا:.....

الام باندهاش:داليااااا!! باباكي بيكلمك

داليا:نعم؟

الاب:سرحانة في ايه؟!

داليا:مش مهم..

الام:باباكي بيقلك انه حجز لينا هنسافر كلنا بعد اسبوع

داليا بالامبالاة:مممم

الاب:هو ايه الــ مممم!! موضبة حاجتك؟

داليا:ولو وضبتها مش مهم بردو

الاب بعصبية:ايه البروووود اللي انتي فيه ده يا بنت!!

داليا:يعني مطلوب مني ايه!! سفر وهتسفروني غصب عني!! صحابي وحياتي اللي اتعودت عليها

هنا هتحرموني منها في غمضة عين وبالقهر!! عايزني اكون عاملة ازاي يعني!! اضحك واتبسط!!

الاب بعصبية:لاااااااا ده انتي بقيتي قليلة الادب!!! وبقى لسانك طوووووويل!! فين داليا اللي كنت

بنظرة عين تخاف وتقول حاضر على طول!!

داليا بعصبية:داليا دي زهقت وقرررررررررررررفت من الخوووووووف والسكووووووت اللي

اتربت عليه طووووووووول الوووووووقت.. الخووووووف اللي بتتكلم عليه يا بابا وزرعته جوايا

قتلني وضرني بدل ما ينفعني.. خلتووووووني زي خيال المأتة اي حد ممكن يلعب بيها وهي تفضل

متتلكمش!! هتسافري مصر وتقعدي لوحدك ‘ مش هتكلمي حد ‘ مش هتكوني صحاب مع حد‘

تنامي الساعة كذا ‘ تروحي الساعة كذا ‘تاكلي الساعة كذا ‘ تلبسي بطريقة معينة!! اي حاجة

عايزااها لاااااااااااااااااا مش مهممممممممم!! المهم انتوااااااا عايزني ازاااااااااااااااي

المهم انتواااا عايزين داليا يبقى شكلها عامل ازااااااااي.. مش مهم هي حاااااااسة باية!! مش مهم

هي مبسوووووطة باللي بتعمله ولا بتبقى مرعووووووووبة وهي بتعمله!!!!!!

الاب بعصبية:ده جزاتنا عشان خايفين عليكي يا بنت من الدنيا!!!!

داليا بعصبية:خوفكم ده قتلني بدل المرة اااااااااااااااااااااااااالف مرة!! يارتني انا اللي اتقتلت بدل

سعدية...

يضرب الاب داليا بالقلم على وشها:واااااضح ان قعدتك لوحدك بوظتك!! ولازم ارجع اتعامل

معاكي زي زمااااان...

داليا:حتى لما بدات اتكلم عايزين تخرسوني من تاني..

الاب بعصبية:غوووووووري من وشي دلوقتي..

الام:امشي من وش باباكي دلوقتي..كتك القرررف عكننتي عليه..

تمشي داليا بانكسار وتروح تطلع البلكونة واول ما تطلع تمسك التلفون وتكلم حمزة..

داليا:ايوة يا حمزة

حمزة:ايوة حبيبتي؟

داليا:انت فين؟

حمزة:في الشركة مع بابا

داليا:المهم انا قررت اهرب

حمزة:بجد؟

داليا:ايوة

حمزة:حصل حاجة جديدة؟

داليا:عادي مش مهم!

حمزة:مالك يا داليا؟ حاسك متغيرة اوووي!

داليا:عادي بردو.. المهم هستنى يناموا واهرب..

حمزة:طيب هستناكي تحت العمارة

داليا:لا انا هجيلك بنفسي.. اديني عنوان الشقة اللي هتقعدني فيها ..

حمزة:هتجيلي لوحدك!!

داليا:اه!! مستغرب ليه؟

حمزة:اصل اول مرة تقولي انك هتعملي حاجة من غير ما تبقي خايفة؟!

داليا:انا قلبي مات خلاص ولا بقيت اخاف من حد! وولا بخاف على حد!

حمزة باندهاش:ايه النبرة الغريبة اللي بتتكلمي بيها دي يا داليا!!

داليا:اخلص يا حمزة ‘ قولي العنوان عشان قبل ما اجيلك هعمل مشوار صغير

حمزة:فين؟

داليا:اما اجيلك هقولك

حمزة:انا مبقتش فاهمك يا داليا؟؟

داليا:ولا حد فيكم عمره فهمني!!

حمزة:خدي العنوان...........

داليا:ماشي 12 هكون عندك ‘ لانهم عشرة بالكتير هيناموا وهنزل على طول ‘ اخلص المشوار

واجيلك..

*********************************************************************************************

في القسم الظابط قاعد مع الظابط التاني..

الظابط الاولاني:وديت السكينة للطب الشرعي؟

الظابط التاني:اه.. انت شاكك بجد في اية؟

الظابط الاولاني:لا انا بس قبضت عليها عشان اخلي الجاني الحقيقي يتحرك براحته ويطمن اوي

ويسهل عملية القبض عليه..

الظابط التاني:يعني انت عملت كده وعارف ان اية بريئة؟؟

الظابط:انا قبضت على اية عشان اتاكد اكتر انها مش هي اللي قتلت سعدية وبعد نادين

قالته ده يأكد اكتر الشكوك اللي كانت جوايا من زمان..

الظابط التاني:اللي هي ايه؟؟

الظابط الاولاني:ان سعيد القاتل!!

الظابط:يالهوي ابن عمها وجوزها!!

الظابط الاولاني:ده بقى اللي لحد دلوقتي عايز اوصل لاسبابه! ليه قتلها!! وليه سعدية مغتصبة!!

وياترى هو اللي اغتصبها ولا دي كانت جريمة شرف!!

الظابط التاني:بس من معلوماتنا ان سعدية انسانة محترمة ومؤدبة وفي حالها؟!

الظابط الاولاني:فاكر اما قلتلك ان فيه خطة في بالي؟

الظابط التاني:اه؟

الظابط:انا خدت بصمة سعيد من غير ما يحس لانه الوحيد اللي مأخدناش منه بصمته وودتها

للطب الشرعي عشان يطابقها مع البصمات اللي على السكينة!

الظابط التاني:ازاي؟؟

الظابط الاولاني:فاكر اما اقعدت ادردش معاه شوية في البيت عن سعدية وفضل يتهم اية انها هي

اللي قتلت .. ساعتها طلبت لينا انه حد يعملنا قهوة وبعد ما مشي خدت الكوباية اللي كان بيشرب

فيها ووديتها عشان ياخدوا البصمات منها ويعاينوها..

الظابط التاني:يابن الايييية!! واشمعنى سعيد!!

الظابط:اصراره على اية! رغم انها كانت ابعد واحدة عن الشبهات خلاني اشك! خصوصا اني

لما قلتله ان ادة الجريمة مختفية وده هيصعب علينا القضية على طول تاني يوم ظهرت وفي

شنطة عربية اية!!

استنوني الحلقة اللي جاية.........