الحلقة الخامسة
بعد ما العيد ميلاد يخلص تدخل حبيبة اوضتها وتفضل تعيط جامد اوي وفجأة يدخل
عليها اخوها
مروان..
مروان بقلق:ايه ده مالك يا بيبا في ايه!!
حبيبة:مفيش
مروان:ازاي يا بيبا! ده انتي بتعيطي؟ وباين عليكي كمان ‘ حتى اسر سألني
عليكي
حبيبة بقلق:اسر!! خد باااااله؟؟؟ قال ايه؟ طيب انت قلتله ايه؟!
مروان باستغراب:مجرد قالي انه حاسس ان فيكي حاجة؟! بس انتي مالك اتخضيتي
ليه!
حبيبة:ها! لا لالا عادي يعني
مروان:بتخبي عليا بردو يا بيبا؟؟ مش انا اخوكي بردو؟ متخافيش لو فيه حاجة
قوليها
حبيبة بتردد:انا موجوعة اووووي يا مروان
ويزيد عياطها فيقوم مروان حضنها ويقلها:طب اهدي اهدي بس واحكيلي موجوعة من
ايه؟
حبيبة وهي بتعيط:انا اانا كك ككنت بحب....
مروان:اسر صح!؟
حبيبة بخوف:انت عرفت ازاي!؟
مروان:انتي سمعتي الحوار اللي حصل بينا النهاردة وعرفتي ان اسر بيحب عشان
كده اتغيرتي فجأة
صح؟
حبيبة:ايوة غصبن عني والله يا مروان
مروان بحزن:كنت حاسس يا بيبا بس قلت انك بتعامليه على انه اخوكي الكبير
وبس! مكنتش اعرف
ان اختي الصغيرة كبرت وقلبها بدأ يدق!! وللاسف دق للشخص الغلط
حبيبة بتعيط:هو ده....
مروان:حبيبة انا مش هقدر اقلك غير ان اسر قلبه مش ملكه! اسر مجنون بواحدة اسمها
منى!
حبيبة:عرفها ازاي وامتى؟
مروان:زميلته في الجامعة من سنة اولى وهو من ساعتها معجب بيها وحاططها في
دماغه وبيشتغل
جامد اووي عشان يكون نفسه ويتقدم ليها..
حبيبة:بس يا مروان كفاية حرام عليك..انت بتعذبني اكتر
مروان بحزن شديد:انا اااسف ‘ انا بس قلتلك كده عشان عشان متتعذبيش اكتر..
حبيبة:انا عايزة انام
مروان:انا اسف يا حبيبة
حبيبة بعصبية:عاااايزة انام ارجووووك يا مروان
مروان بحزن يقوم يبوس راسها ويقفل النور عليها ويسيبها...
**********************************************************************************
بعد كذا شهر من بعد العيد ميلاد كان اسر بيزور مروان كالعادة في بيته..
اسر:مش عارف يا مروان بس اختك متغيرة معايا؟ او حاسس انها بتمر بفترة كده
متلخبطة؟!
مروان بتوتر:لالالالا ده بس بيتهيألك عادي تلاقيها بس الجامعة تعباها ولا
حاجة
اسر باندهاش:جامعة ايه يا مروان! انا بحس انها بتتعمد تتهرب مني!!
مروان:يابني انت مش عارف حبيبة اصلا! في حالها وفي العالم بتاعها لوحدها
دايما ..بتتهرب منك
ايه بس وبتنجان ايه..
اسر:اممم يمكن.. اما اقوم افرحها بقى واقلها اني قررت اقرأ الفاتحة مع اهل
منى يوم الخميس..اكيد
هتطير من الفرحة..
مروان بخوف وبسرعة:لااااااا بلاااااش
اسر باندهاش:لييه!!
مروان بقلق:لا يعني ‘ قصدي هي تلاقيها نايمة دلوقتي ومش فايقة ..سيب
الموضوع ده عليا ..انا
اناااا انا هقلها..
اسر:لا يا عم متضيعش فرصة اني اشوف الفرحة في عيونها..
مروان:اللي يسمعك يقول حبيبة دي مش زي اختك ‘ لا دي حبيبتك! فرحة ايه
وعيونها ايه!!
اسر:حبيبة دي مش بس زي اختي! لا في حاجة كده مش عارف اوصفهالك ازاي!! بس
ممكن تقول
ان فيه كيميا غريبة ما بينا.. بحسها البيبي بتاعي ‘بحس دايما اني مسؤول
منها وان يهمني اعرف
هي مالها وتعرف كل خطواتي وتقلي رايها..
مروان:ايييييييه يا عم!! منى لو سمعتك بتتكلم كده عنها هتكرهها!!
اسر:هههههه منى لاااا مش اخلاقها..يا اخي ده انا احيانا ببقى مفروووس انها
مبتغرش عليا!تصور
مروان باندهاش:ايه ده! معقووول فيه ست مبتغرررش!!
اسر:تخيل بقى! منى
مروان:لا يا عم كده انت لازم تشك ان كانت بتحبك بقى ولا لا
اسر:ههههه المهم خليني اشوف بيبا
مروان لنفسه:ياااااربي اعمل ايييه ياااااارب..
يروح اسر لاوضة حبيبة ويخبط..
حبيبة من جوة الاوضة:اتفضل يا بابي
اسر:لا انا مش بابي ‘ بس معاكي بحس اني بابي
حبيبة بخجل وارتباك:ااا اااسر اا ااتفضل
اسر:اخوكي الرخم قالي انك نايمة وعايز يحرمني اني اشوف فرحتك بيا بنفسي
حبيبة قلبها يدق بخوف:فرحة ايه؟!
اسربابتسامة كبيرة:يوم الخميس هقرأ فاتحتي على منى..اخيراااااا يا حبيبة
حبيبة:....
اسر:عارفة بقالي كذا سنة بشتغل ليل ونهار عشان اكون نفسي واقدر اجيب شقة
جديدة واقدر اجيب
مصاريف للفرح يااااه يا حبيبة متتخيليش اد ايه الحلم بيبقى حقيقة روعة لما
يلمس ارض الواقع!!
حبيبة:...
اسر:بصي بقى عايزك تختاري معايا هدية لمنى ‘ اصل انتي عارفة مليش في الحجات
دي..
حبيبة:....
اسر باستغراب وقلق:مالك يا حبيبة؟سايباني بكلم نفسي يعني؟!
حبيبة:احم لا عادي يا اسر ‘ بس تعبانة شوووية
اسر بخيبة امل:توقعت انك تفرحيلي اوي؟! بس انا مش شايفك متجاوبة معايا؟!
حبيبة:قلتلكككك يا اسر تعبااااانة ايييييييه مبتفهمش!!
اسر باندهاش:مبفهمش!!؟ واضح فعلا انك تعبانة..انا اااسف لو كنت ضايقتك ..
حبيبة بحزن:انا اسفة والله ما اقصد يا اسر..بس انا بجد تعباااانة
اسر:من ايه؟ فضفضي معايا؟؟
حبيبة بابتسامة فيها انكسار:ولا يهمك ‘ المهم انت..كنت بتقلي عايزني معاك
عشان نشتري هدية لمنى
صح؟امتى؟ومبروووك يا سيدي..اخيرا هتتجوز ونخلص من واحد ‘ عقبال صاحبك..
اسر بفرحة:عقبااااالك انتي يا كتكووووتي..
حبيبة بحزن:مش مهم.. المهم عايز امتى نشتري الهدية؟
اسر:اممم بكرة ‘ يناسبك؟
حبيبة:ااه تمام
اسر:حلو بكرة بعد ما اخلص شغل هعدي عليكي في الجامعة تمام؟ وبالمرة اشوف
منى
حبيبة:هو انت مبقتش تيجي الجامعة ليه؟! ولا عشان يعني اسمك في سنة رابعة
بقى فبتتعالى؟!
اسر:لا والله بس انا مركز دلوقتي في الشغل اكتر عشان اقدر اتجوز منى
بسرعة..
حبيبة بانكسار:امممم
اسر:يلا هسيبك ترتاحي وبكرة اشووفك..
اليوم التاني حبيبة كانت مع ريما في الجامعة
حبيبة:كنت هموت وهو بيحكيلي عن الست هانم بتاعته
ريما:اااخ يا بنتي على الحب ده!! اد ايه عذاب بجد.. نفس اخوكي! لو كان ابو
الهول كان حس بيا
حبيبة:انا بفكر اجس نبضه هو كمان
ريما:لا لا بلاش يا بيبا
حبيبة:يابنتي هجس نبضه ‘ مش هروووح اقله على فكرة ريما بتحبك!
ريما:بلاش لحسن انتي شكلك نحس ‘ كل ما تروحي تعرفي ايه النظام من واحد يقوم
يطلع بيحب حد
تاني..
حبيبة:انتي باردة صح؟
ريما:ههههه بهزر يا بيبا..بس تعرفي انا منى دي مبرتحلهاش بصراحة
حبيبة:ليه؟
ريما:بصراحة يعني سمعتها مش اد كده
حبيبة باستغراب:ازاي؟
ريما:يابنتي من يومين كنت عند دكتور احمد ودكتور عادل دخل وكان مضايق فبصل
احمد وغمزله
عشان يخلص معايا ويخرجني‘ شكله كان عايز يتكلم في اللي مضايقه فقام مطرأني
..المهم صحبتك
بقى اتلكعت وان ابرة الباب وسمعت دكتور عادل بيقوله البنت منى دي مش سهلة ‘
قام دكتور
احمد قاله انا حذرتك منها ياما وانها بتعرف تاخد مصلحتها وترمي الواحد
فعادل قاله بس دي
جت معايا الشقة فاحمد رد عليه وقاله اللي زي دي مش مهم لو فرطت في شرفها ‘
المهم توصل
للي هي عايزاه..
حبيبة:يانهاااار اسووود!!
ريما:اه والله زي ما بقلك كده
وفجأة يشوفوا ........
استنوني الحلقة اللي جاية..........
