الحلقة العشرون والاخيرة
سيلينا ومن غير ماتبص على
سيف:انا قررت اني اتجوز سيف حتى لو همووووت..
سيف جري عليها وشالها وهو
فرحان اوي:مش هتمووووتي بعد الشررررر عليكي ان شاء الله
وهتفضلي عايشة في حضني
لحد ما نعجز ونجيب عيال كتيرة اوووووي باذن الله .. باذن
سيلينا:بحبك
سيف:جننتيني يا بنت
الايييييه ووقعتي قلبي لما قلتي هتفكري!
سيلينا:كان لازم اقعد مع
نفسي وافكر وان الاول مرة بكسر حاجة جدي قالي عليها..
الجد:متخافيش يا حبيبتي
كله مكتوب عند ربنا بس ومحدش عارف الغيب الا هووو..
سيلينا بقلق:ان شاء الله
سيف:يلاااا بقى نرجع
مصرررر انا شايف كده خلاص كفاية ومش عايزين نعرف حاجة اكتر..
الله يخليكي يا سيلينا ..
سيلينا:حاضر
سيف:بجد؟ يعني نسافر؟
سيلينا:اه
سيف:طيب يلا نشوف فيه حجز
النهاردة ولا لا
الجد:مستعجل ليه يابني؟؟
سيف:جدووو انا مش عايز
اقعد في البلد دي ثانية واحدة! انا وانا ماشي معاها ببقى خايف اي حد يجي
يقلي هناخد سيلينا منك
ودي مش من حقك!!
سيلينا:هههههه مجنوووون
سيف وهو بيغمز ليها:بيكي
سيلينا:بحب عنيك الزرقا
دي!
سيف:اشمعنه؟!
سيلينا:عشان فيها من موج
البحر..
الجد:ههههههه
سيف:معلش يا جدي ‘ اصل
مراتي عندها عقدة الطبيعة..
سيلينا:الانسان ميعرفش
يعيش من غير طبيعة!
سيف بسخرية:ايووة ايووة
صح فعلا..
الجد:طيب يلا نروح ناكل
لحسن انا جعان اوي وعايز ارجع الفندق بقى انام..
سيف:ايه يا جدو ده! تنام
ايه بس!! ايه يا راجل يا طيب الكسل اللي فيك ده؟
الجد:عجزنا بقى يا بني ‘
يعني احنا هناخد سننا وسن غيرنا..
سيلينا بتريقة:احم طب منا
يعتبر اكبر منك!
سيف:ههههههههههههههههههه
كنت هقلها بس خفت لتزعلي
سيلينا:هههههههه تعرفوا
انا اصلا عمري ما حسيت اني اكبر من جدي! يعني حاة غريبة اوي متتدخلش
الدماغ اني انا بقول
لواحد يعتبر اصغر مني في السن يا جدي!
سيف:لان انتي فعلا صغيرة
ومش كبيرة..
الجد:طيب يلا ناكل ‘جعان
يا ولااااد..
ويروحوا التلاتة لمطعم
وياكلوا فيه وبعد ما ياكلوا يرجعوا الفندق عشان جد سيف ينام وياخد سيف
سيلينا ويروحوا يتفسحوا
في ايطاليا شوية..
سيلينا:ايطاليا اتغيرت
كتير!!
سيف:اكيد يعني لازم تتغير
‘ اومال هتفضل زي ما سبتيها..
سيلينا:انا خايفة
سيف:من ايه يا حبيبتي؟
سيلينا:خايفة يجي الوقت
اللي نلاقي فيه فروق الزمن بقت كبيرة اوي ما بينا والاقي اني مش
قادرة اتعامل مع الناس..
سيف:هكون معاكي دايما
بشيل اي فروق تبقى واقفة في طريقك..
يمسك سيف ايدها ويبص
مباشرة في عينها ويقول:
سيلينا عارفة اما تكوني
طول عمرك بتحلمي وعارفة ان حلمك شبه مستحيل تلاقيه! وفجأة
تلاقي الحلم ده واقف
قدامك وبين ايدك وبيقلك تعالى خدني انا اهووو‘ بس انتي عارفة كويس
ان مجرد ما هتلمسيه
هتتطلعلك المشاكل .. انتي الحلم ده يا سيلينا وعشان تفضلي معايا لازم
اكون شجاع وقادر اني
احميكي من اي مشاكل..
سيلينا:تعرف لما لقيت جدي
بيقول اني هموت لو اتجوزتك زي ما العرافة ده قاله ‘ انا مخفتش
من الموت!! انا عندي اموت
بعد الايام الحلوة اللي عشتها معاك دي احلى من اي حياة ممكن
اعيشها وانا محرومة منك..
سيف بقلق:ربنا ما يجيب
حرمان يارب..
ويمشوا في الطريق وهما
ماسكين ايد بعض وعينهم مليانة فرح وحب ..
بعد تلت ايام رجعوا مصر
تاني وكان في استقبالهم سارة ونادر..
نادر:سارة قالتلي انكم
خلاص قررتوا تتجوزوا فعلا؟
سيف:اه باذن الله .. على
يوم الخميس..
سارة بفرحة:يااااه
مبرووووووووووووك ‘ لو بعرف ازغرط كنت عملتها..
سيلينا:يعني ايه تزغرطي؟!
سيف:اتفضلي زغرطي بقى
عشان تعرف
سارة بحيرة:اممم بصي هو
صوت كده احنا بنعمله في الفرح ‘ احنا الستات ببقنا يعني وكده وبيبقى
معناه اننا فرحانين ‘
يعني هي حاجة من التقاليد..
سيلينا ببراءة:اه بتصوطوا
يعني؟!
سيف:يصوطوا ايه يا سيلينا
بس! ايه الفال الوحش ده ‘ هما داخلين جنازة بعد الشر يعني!!
سارة تحاول تزغرط فطلع
زغروطة مسرسعة ومش حلوة:لوليييييلييييي
نادر:بس بس اسكتي ابووووس
ايدك
سيف:اهو الزغروطة بقى حاجة شبه العك اللي سارة عملته دلوقتي ‘ بس طبعا مع
الاختلاف..
وجه يوم الفرح وكان سيف
حاسس انه اسعد انسان في الدنيا ‘ لانه اخيرا لقى الحلم اللي كان عايش
طول حياته يدور عليه.. بس
شعوره بالقلق من كلام جد سيلينا انه يتحقق كان رعبه...
وكان عايز يرجع في قراره
كذا مرة وكان بيقول لنفسه ان حتى لو متجوزش سيلينا بس تفضل
قدام عنيه احسن من لاقدر
الله لو اتجوزها وحصل حاجة! بس يرجع ويقول لا انا ايماني قوي
بربنا سبحانه وتعالى
ومهما اتقال لو ربنا كاتب انها تموت هتموت.. هتموت عشان هو كاتب
انها تموت لكن مش هتموت
عشان العرافة قال.. يقينه وايمانه خلوه ياخد اخر قرار وهو انه
هيتجوز سيلينا حتى لو حصل ايه..
خلص الفرح وكان الكل
مبسوط جدا وخد سيف سيلينا وطلعوا على اوضتهم اللي حجزوها في
الفورسيزون اللي على
النيل واللي كان معمول فيه الفرح..
سيف:يااااااااااه انا مش
مصدق ‘ سيلينا انتي معايا !! انتي بقيتي مراتي بجد!
سيلينا بخجل:ايوة
سيف:بحبك بحبك بحبك بحبك
بحبك ‘ ممكن افضل اقولها للصبح
سيلينا:ممكن
سيف بهزار:طبعا ما مش
انتي اللي هتقولي وتتعبي
سيلينا:هههههه
سيف:عارفة ‘ انا عمري ما
كنت رومانسي اوي كده! جايز لاني عشت حياتي كلها محروم من
الحب.. ويمكن لما خطبت
الزفتة اللي اسمها نرمين ‘ خطبتها عشان شفت فيها انها شبه امي
وقلت يجوز لما تحبني
وتديني حبها اعرف ارجع تاني احب امي! بس واضح اني اخترت
نسخة بالزبط من امي لدرجة
انها مبتعرفش حتى تحب اي حاجة الا نفسها..
بس اما شفتك انتي ومن اول
يوم حسيتك بتخطفي حاجة من جوايا! بتقوليلي ومن غير ما تتكلمي
انك جاية تعوضيني عن اي
حرمان..
سيلينا:....
سيف:عايز اجيب منك عيال
كتيرة اوي ومش هبقى خايف انهم يعيشوا نفس العذاب اللي انا عشته
لاني اخترت ليهم افضل
واحن ام في الدنيا...
سيلينا باحراج:وانا اخترت
اب حلو اوي من جوة..
سيف بهمس :بـــ حــــ
بــــ كــــ
سيلينا:اااخ
سيف بقلق وفزع:مالك؟؟
سيلينا:قلبي!
سيف يقوم مخضوض:مالك يا
سيلينا‘ ماله قلبك؟؟!
سيلينا:شكلي هموووت
سيف بخوف اكتر وخضة
اكتر:لا لا مش مش هتموتي ‘ هجري اطلب دكتور
سيلينا بضحكة:ضحكت
علييييك يا خواااااف
سيف:تؤ خضتيني يا سيلينا
بجد!!
سيلينا:معلش الله ‘ انا
بهزر معاك
سيف برقة:ماشي يا ستي
هزري براحتك
سيلينا:ايوة ..
سيف يقرب من سيلينا ويقوم
شايلها مرة واحدة وبطريقة مفاجئة ليها ويطلع يجري بيها على البلكونة
ويقلها:هااااا ارميكي من
هنااااا
سيلينا بخوف:لا لا لا
نزلني يا سيف
سيف:ههههه انا بهزر انا
كماااان يا رخمة هاااا
سيلينا:لا والله خلاص انا
اسفة بجد
وتبص سيلينا وسيف شايلها
من البلكونة وتلاقي ارتفاع كبير اووووي فتخاف اوووي..
سيلينا بخوف:نزلني بجد يا
سيف ‘ خااااايفة اووووي
سيف:مش هنزلك
سيلينا:والله اسفة
سيف:طيب احضنيني
سيلينا:تحضن سيف وهو
شايلها كده
سيف برقة بعد ما
ينزلها:اديني نزلتك اهوو ‘ بس ابقي هزري تاني هزار بوابين عشان اوريكي
هزار البوابين اللي على
حق!
سيلينا:ازاي هزار بوابين؟
انتم عندكم الهزار انواع على حسب المهنة يعني!!
سيف:تعالي حبيبتي ندخل جوة وانا اوريكي هزار البوابين بيكون ازاي..
وبعد سنتين..
سارة في بيتها:يا ناااادر
اخلللص بقى ‘ عايزة اروح بسرعة لسلينا في المستشفى
نادر:طيب يا حبيبتي ‘
لبستي اياد؟
سارة:اه لابس من بدري
وحطيته في العربية كمان.. اتفضل زقها انت بقى
نادر:يا سلام !
سارة:الله مش انت باباه
لازم تزقه!
نادر:على اساس حضرتك
مين؟؟ عمته مثلا ما انتي مامته!!
سارة:لا حبيبي مامته
تعبانة
نادر برقة:مامته بتتدلع بس مش مشكلة..
سيف في اوضة سيلينا اللي
في المستشفى..
سيلينا:حلوة؟
سيف:زي القمر ‘ شبهك
سيلينا:هنسميها ايه؟
سيف:مش عارف؟ انتي قولي
عايزة ايه؟
سيلينا:امممم
سيف:بس اختاري اسم مصري
مش ايطالي حبيبتي ها
سيلينا:ايه رايك في كنزي؟
سيف:اشمعنى!
سيلينا:عشان هي كنزي منك
انت..
سيف بحنان:وانتي القمر
نفسه!
سيلينا:انت عارف ان معنى
اسمي يعني وجه القمر
سيف بحب:عارف يا قمر..
النهايــــــــــــــــــــــــــــــــــــــــــــــــــة
