شــــــقـــة 22
لفاطمـــة طـــلال
الحلقة الاولى
عمارة 319 في شارع المعادي في حي هادي جدا وراقي ومعروف عنه انه حي معظم
اللي عايشين
فيه الطلبة وخصوصا الطلبة الوافدين من برة مصر..
في شقة 22 بالتحديد عايشين 5 بنات ‘ والشقة كانت عبارة عن 6 اوض وصالة
كبيرة وكل اوضة
اما الخمس بنات فهما اية مُحسن وهي صاحبة الشقة وكانت عايشة طول حياتها برة
وباباها جاب
ليها الشقة دي عشان تعيش في مصر لما تدخل الجامعة وطبعا هي عشان مكنتش
عايزة تعيش
لوحدها في الشقة فقالت انها تأجر كل اوضة في الشقة لبنت تكون محتاجة سكن
عشان الجامعة..
اية بنت جميلة ومدلعة وغنية وطيبة ومجنونة في اغلب الاوقات ‘ وطبعا
الاستايل والحياة
الاميركية اثرت كتييير على شخصيتها وحياتها وطريقة تعاملها مع الناس..
اما البنت التانية فهي داليا علي وهي بنت مصرية كانت عايشة في السعودية طول
حياتها ومن
وهي صغيرة ولما جت تدخل جامعة كان لازم تنزل مصر عشان تدخل جامعة بس كانت
مشكلتها
ان مامتها وباباها لسه مكملين حياتهم في السعودية وكل واحد ميقدرش يسيب
شغله ولا بقية اخواتها
اللي لسه في المدارس هناك وينزل معاها.
عشان كده قرروا انهم يأجروا لداليا اوضة في سكن الطلبة يكون جمب كلية
القاهرة ‘ بس لما نزلوا
هناك داليا محبتش الوضع ولا ارتاحت في سكن الطلبة وفضلوا يدوروا كتير على
شقة لحد ما لاقوا
الشقة بتاعت اية وعجبتهم فخامة الشقة ونضافة الحي والمكان وسكنت داليا مع
اية..
داليا بنت محجبة وطيبة وهبلة جدا وملهاش في اي حاجة وتحسها خام وده لانها
عاشت طول حياتها
في السعودية كل همها الاول والاخير تدرس كويس عشان تخش الكلية اللي هي
عايزاها في مصر.
وطبعا داليا ملهاش في جو الولاد خالص ولا بتعرف تتعامل مع اي ولاد وده لان
في السعودية
مكنتش بتتعامل مع ولاد خالص الا من خلال المنتديات ويمكن كمان مكنتش
بتتعامل بطريقة
مباشرة الا من خلال الرد على المواضيع في المنتديات..
تالت بنت وهي نادين وهي بنت لبنانية بردو جاية تدرس في مصر ومكنتش تعرف اي
حد في مصر
الا الولد اللي بتحبه واللي اتعرفت عليه لما جه مرة لبنان في الصيف هو وعيلته
وعرفوا بعض.
ساعتها عرفت انه مصري وعرض عليها لما تدخل الجامعة تيجي تدرس في مصر عشان
يبقوا
قريبين من بعض وفعلا اول ما دخلت الجامعة ‘ نزلت مصر عشان تدرس.
وفضل هو يدور ليها على مكان تسكن فيه قريب منه ولانه كان ساكن في المعادي
هو كمان فسمع
عن شقة اية وانها عندها اوضة ممكن تاجرها وفعلا اتفق وبكده نادين بقت تالت
بنت ساكنة في
الشقة دي.
نادين بنت جريئة وجميلة جدا وعصبية لكن حنونة اوي وعنيدة كمان وبتعمل اي
حاجة تخطر على
بالها من غير ما تفكر كويس..
اما رابع بنت فهي عنود وهي بنت خليجية وتحديدا من البحرين وهي بنت حلوة
اوووي وعينها
واسعين وجمال جدا ومش محجبة .. متقلبة المزاج جداااا يعني مرة تكون هادية
ومرة مجنونة
مرة تلاقيها بتضحك ومن اقل حاجة ممكن مزاجها يتقلب وتكتئب! وليها عالم خاص
بيها
من وهي صغيرة ومهتمة بالموضة جدااا وبتعرف ازاي تختار لبسها اللي يليق على
شخصيتها.
اما خامس بنت ودي اخر بنت جت وسكنت مع البنات في شقة 22 وهي تعتبر بنت
العمدة في
الصعيد واسمها سعدية وباباها يعتبر غني جدا ومهتم جدا بتعليم عياله وده
لانه يعتبر جاهل
ومش عايز ولاده يطلعوا هما كمان كده. سعدية من اشطر عياله وهي الوحيدة اللي
طلعت
من الاوائل وجالها منحة في الجامعة الالمانية وقررت انها تدرس هندسة.
سعدية بنت طيبة جدا ومثقفة ومقري فاتحتها على ابن عمها اللي بيحبها جدا ‘
ملهاش في دلع
البنات بس رغم كده بتحب ابن عمها.
كان فاضل اسبوع والدراسة تبتدي .اية وداليا كانوا سنة تانية اما نادين
وعنود وسعدية كانوا اولى..
اية في الجامعة الاميركية تخصص اعلام ‘ داليا في جامعة القاهرة تخصص تجارة
‘ نادين كمان
كانت في جامعة القاهرة بس تخصص فنون جميلة.عنود كانت في جامعة مصر للعلوم
والتكنولوجيا
ودي جامعة خاصة وكانت بتدرس طب اسنان هناك..
اول ما يجي الصبح تصحى سعدية تصلي ركعتين وتبدأ تحضر الفطار
داليا اول ما تصحى بتصلي هي كمان ركعتين وتقرأ الجرايد وتقرأ شوية قراءن
وبعدين تطلع الصالة..
داليا:صباح الخير
سعدية في المطبخ:صباح النور
نظام المطبخ نظام امريكاني واللي يعتبر مفتوح على الصالة..
داليا:بتعملي ايه؟
سعدية: يعني هاكون بعمل ايه .. اكيه بعمل الفطار
داليا:ايوة فاهمة ‘ يعني بتعملي ايه بالظبط
سعدية:جولي اكديه ‘ اساليني بتعملي ايه بالظبط ع الفطار
داليا:معلش انا اسفة يا سعدية ‘ بتعملي ايه بالظبط على الفطار
سعدية:بعمل بيض وابويا جابلي اول امبارح مش وعسل اسود.. حلووين جوووي
الصراحة يعني!
داليا:طيب ممكن تعملي حسابي معاكي؟
سعدية:ماشي..الا جوليلي يا داليا هي نادين مالها
داليا:مالها؟
سعدية:امبارح راجعة 2 بليل وجعدت تعيّط كتير جوووي ‘ بس انا بصراحة جولت مش
هطلع ليها
عشان هي جليلة ادب كام مرة نجول احنا بنات وعيب الواحدة فينا تتأخر لنصاص
الليالي!
الناس تاكل وشنا يعني!!
داليا:انتي عارفة يا سعدية انا ماليش دعوة بصراحة
تصحى عنود وتروح ليهم..
عنود:صباح الخير
داليا وسعدية:صباح النور
عنود:شتسون؟
سعدية:والنبي ترجمة احيات ابوكي
داليا:هههه قصدها بنعمل ايه؟
سعدية:بنعمل فطار؟تحبي اعمل حسابك انتي كمان معانا؟
عنود:ايي اووك سويلي وياج ..
داليا:بتقلك اعمليلها
سعدية:هو انتي متجدريش تتكلمي مصري يعني اصل مش جادرة افهم لهجتك دي خالص..
عنود:يصير خير ان شاء الله.. وين نادين؟
داليا:شكلها لسه نايم
عنود:انتي كنتي عايشة وين في السعودية؟
داليا:جدة
عنود:ايي حلوووة جدة الصراحة ‘ احلى منطقة عندي في السعودية..
داليا:اه
سعدية:يلا يا بنات الفطار جهز
يروحوا التلت بنات على الصفرة عشان يفطروا ‘ تخرج اية من جوة اوضتها..
اية:صباح الخير
كلهم:صباح النور
اية:ايه ده انتم كلكم صاحيين.. امال فين نادين؟
سعدية:لسه نايمة وشكلها مش هيصحى دلوجت!
اية:ليه!
سعدية:ماهي راجعة 2 بليل ..
اية:اممم تلاقيها كانت مع سامر
سعدية:واه! سامر مين ده!
عنود:البوي فريند مالها
سعدية بعصبية:يا نهاااار اسووود ! ليه بجى ان شاء الله عايشين في امريكا
واحنا منعرفش!
اية:سعدية كل بنت هنا فينا عاشت واتربت في مجتمع وعادات وتقاليد مختلفة عن
التانية ‘ فحاولي
تاخدي بالك كويس اوي من النقطة دي.. ده غير انها لبنانية وعندهم الموضوع ده
عادي..
سعدية:ايوة معلش بس الصُح صُح بردك! يعني هي بنت واحنا في شُجة كلنا بنات
والناس
لما تشوفنا بنرجع في انصاص الليالي هيفتكرونا بقى لامؤاخذة! فياريت تاخد
بالها من الموضوع
ده..
نادين من جوة اوضتها:شوووو بدها هلاء!
اية:اهي صحيت اهي..
سعدية:ايوة تصحى وتسمع يعني هخاف ولا هخاف!! انا ابويا العمدة علمني اني
مخفش الا من
اللي خلجني!
نادين تطلع من اوضتها وهي مضايقة من كلام سعدية وتقلها:اسمعي حبيبتي انا
حرة باللي اعمله!
ومش راح تيجي انتي وتقوليلي كيف اتصرف! انا بعمل اللي بدي اعمله بالوقت
اللي بدي اياه
ومحدا عنده كلمة عليّ!
سعدية:ايوة انتي حرة بس راعي اننا بنات
عنود:من صجكم احين! من صباحة الله خير جاعدين تتهاوشون!
سعدية:والنبي انتي راخرة يعني يا تجولي حاجة مفهومة يا تُجعدي ساكتة!
نادين بعصبية:شو ما بتفهمي عربي! انا هون متلي متلك ! وكل واحدة هون حرة!
حريتك جوة
اوضتك متل ما بتقولوا يا مصريين وبرة اوضتك انتي مالك ايشي عندي! فهمتي
حبيبتي؟!
سعدية:انا جلت يعني اوعيكوا ‘ طالما احنا كلنا بنات وحدينا هنا في الغُربة!
وانتوا احرار!
بس ياريت رجالتكم ديه متجيش هنا الشُجة!
نادين:ايي ما تخافي يا عيوني سامر ما راح يطلع هون!شو مجنونة انتي..
عنود لنادين:صج انتج امس صحتيّ؟
نادين:وكيف عرفتي؟
عنود:سعدية امس سمعتج تصحين..
نادين بحزن:اي متل ما تقولي مضاربة مع سامر شوي
عنود:ليييش؟
نادين:ما بعرف صاير كتير متغير معيّ! ما بحس بالاهتمام متل زمان! حاسة انه
في اشي صار
حاجز ما بينا! وانا ما بعرف اعيش معُه هيك! واجهته كام مرة ومش راضي يحكي
معي مزبوط!
طب قلي يا زلمة شو فيه! قلي شو مغيرك هيك! احكي ! لكن ما تصير متل جماد!
عنود:ليش انتي من متى تعرفينه؟!
نادين:من وانا عمري 15!
عنود:بااااال ‘حشى! كل هاي السنين تعرفينه! ما تمللتي منه؟!
نادين باستغراب:شوا تملل! شو قالولك انه سامر سيارة متلا! راح اصحى بشي يوم
بدي اغيرها!
عنود:يبى الريايييل هلووون! يبيلج كل يوم تغيرين واحد! انا عندي الحياة
هلون..
داليا:استغفر الله العظيم..
عنود:اوووه سوووري شيخة داليا! ما انتبهت انج لحد اللحين اهني!
داليا:وانا مالي..
اية:بقلكم ايه يا بنات ‘ الجامعة هتبتدي بعد اسبوع ان شاء الله ‘ وانتوا
هنا بقالكم اسبوعين مع
بعض وملاحظة انكم يعني عاداتكم مختلفة مع بعض فياريت الله يخليكم كل واحد
يعيش حر
مع نفسه. طالما ما بيتعداش على حرية التاني وحاجة كمان اخر ميعاد لدخول
الشقة 3 بليل
سعدية مقاطعة:واااااه!!!! 3 بليل لييييييييه انتي بتتعاملي بتوقيت
الامريكان ولا ايه!
اية:سعدية بليز اما اخلص كلامي ابقي علقي! وياريت نحاول نتأقلم مع بعضينا
اكتر لاننا
هنعيش فترة طويلة مع بعض ..
داليا:حلو الكلام ‘ عن اذنكم انا داخلة ارتاح شوية في اوضتي..
عنود:ياربي هاي ليش هلوون!
اية:عنود انا لسه قايلة ايه؟
عنود:ايييه صج ما جلتلكم عن فيصلووه!
نادين:ومنو هاد؟
عنود:هاي البوي الفريند اليديد مالي!
انتظروني في الحلقة اللي جاية....
